JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MEJD kansela kontratu ho ajente Administrasaun Públika 90 resin

MEJD kansela kontratu ho ajente Administrasaun Públika 90 resin

Ministériu Edukasaun Juventude no Desportu (MEJD) kansela asina kontratu ho kandidatu Ajente Administrasaun Públika 93 ne’ebé halo ona rekrutamentu iha tinan 2019, tanba identifika iregularidade balun iha prosesu refere.

Tuir Ministru Edukasaun, Juventude no Desportu, Armindo Maia, Ministériu labele foti desizaun mesak, nune’e presiza desisaun foun husi Konsellu Ministru (KM), hodi hatene sira-nia destinu.

“Ami haree no verifika fila-fali katak, akontese iregularidade lubuk ida no agora elabora hela projetu rezolusaun hodi lori ba KM no foti desizaun ba ida ne’e, tanba buat ne’e hala’o la’ós iha ami-nia tempu, entaun ami sente tenke lori mai KM hodi deside”, dehan Governante ne’e ba jornalista sira iha Palásiu Governu, Segunda (08-02-2021), hafoin remata enkontru ho Primeiru Ministru (PM), Taur Matan Ruak.

Tuir Armindo Maia, iha tempu badak MEJD mós sei halo rekrutamentu ba pesoál 973, maibé seidauk bele deside data fixu, tanba sei halo elaborasaun ba kritériu sira.

Iha enkontru ne’e, PM mós fó orientasaun hodi monitoriza prosesu ezekusaun, tanba orsamentu ba infraestrutura edukasaun iha tinan 2021 ne’e kuaze tokon USD 30, nune’e presiza aselera la-lais.

Governante ne’e mós informa ba Xefe Governu kona-bá prosesu konstrusaun ba eskola pre-eskolár tolu (3), harii husi veterana Kasian iha Liquiça, ne’ebé to’o agora seidauk konklui. Alende ne’e informa mós kona-bá nomeiasaun foun ba Prezidente INFORDEPE. ida

Lee hotu :   Governu loke fronteira terrestre, aéro no marítima, COVID-19 sai ameasa bo’ot ba povu TL

Add to Comments Here!!!!

error: Content is protected.
Secured By miniOrange
You might also like:
Haree progresu servisu, PM vizita Portu Tibar

Primeiru Ministru (PM), Taur Matan Ruak...

LABEH: Estadu labele kontente ho índise korrupsaun TL nian tun

Estadu labele kontente uluk ho índise...

Kompañia lokál la konkorda tenderizasaun ba projetu eletrisidade

Porta vóz, Alcino Menezes, hateten, projetu...

Close