JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS konsidera dansa iha kuarentena RAEOA laiha morál

MS konsidera dansa iha kuarentena RAEOA laiha morál

Ministériu Saúde (MS) konsidera Timor-oan sira ne’ebé dansa iha kuarentena Rejiaun Administrativa Espesiál Oe-Cusse Ambeno (RAEOA) laiha morál no kontra regra prevensaun COVID-19 ne’ebé fó sai husi Organizasaun Mundiál Saúde (OMS), tanba laiha responsabilidade atu kontrola-an.

Ministra Saúde, Odete Maria Freitas Belo, hato’o kestaun ne’e ba jornalista sira, Segunda (01-02-2021), relasiona vídeo ne’ebé virál iha Média Sosiál (MedSos) katak, Timor-oan sira dansa iha fatin kuarentena, wainhira kumpre hela kuarentena obrigatóriu ba prevensaun COVID-19.

“Pasajeiru ka sidadaun sira ne’ebé mak iha kuarentena dansa, ida ne’e mak sai problema ba ita MS, ita akompañia sira iha ne’ebá, ita tau ita-nia enfermeiru sira iha ne’ebá para haree oinsa sira-nia atitude, sira hela iha kuartu laran ka lae? Sira uza tempu tuir regra ka lae? Sira laiha fatin sira uza oportunidade ne’e para atu dansa, ida hanesan ne’e halo ita triste bo’ot ba ita nia sidadaun nia atitude ne’e, atitude ida ne’ebé mak la edukativu, tama-sai, tama-sai, maibé laiha responsabilidade, ita-nia responsabilidade la’ós ba sira, ita tau sira iha ne’ebá para atu salva ita nia komunidade iha Díli laran ne’e”, dehan Ministra Saúde ne’e.

Governante ne’e hateten, nia parte seidauk iha informasaun kona-bá Timor-oan sira dansa fali iha kuarentena laran, maibé sei buka informasaun liu husi pilár sira, atu bele konfirma informasaun ne’e loos ka lae.

FOTO: MedSos

“Sé akontese sei iha sansaun ida ba sira, tanba lei ko’alia ona kona-bá ida ne’e, wainhira la halo tuir regra saída mak MS bele halo, ha’u sente triste wanhira ita nia sidadaun ida atitude hanesan ne’e, susar ita atu kontrola”, tenik Odete.

Nia esplika, Timor-oan balun ne’ebé tama ilegál no legál iha fronteira RAEOA hela iha kuarentena otél Oeupu kontra regra husi OMS hanesan la uza máskara no distansiamentu sosiál, tanba halibur malu hodi dansa iha kuarentena laran.

Maibé MS sulan sira iha kuarentena ne’e atu halo prevensaun ba transmisaun COVID-19 ba komunidade, karik husi sira ne’e balun pozitivu COVID-19.

Antes ne’e, Prezidente RAEOA, Arsênio Paixão Bano, hateten, Timor-oan sira sempre tama-sai ilegál liu husi liña fronteira entre RAEOA ho Indonézia, maske pesoál seguransa sira fó seguransa iha fatin refere.

Entretantu dau-daun ne’e, Timor-oan hamutuk 64 mak okupa hela kuarentena RAEOA, tanba tama ilegál husi Nusa Tenggara Timur (NTT)-Indonézia. tos

Lee hotu :   Governu sei sosa ekipamentu médiku ba COVID-19 husi Korea

Add to Comments Here!!!!

error: Content is protected.
Secured By miniOrange
You might also like:
PN ezije Governu klarifika FP sira seidauk simu saláriu

Reprezentante povu iha uma fukun Parlamentu...

CPN: Rui Araújo prontu lori FRETILIN ukun iha 2023

Membru Comite Central FRETILIN (CCF) no...

PNTL sei aumenta membru iha liña fronteira

Porta-Voz Polísia Nasionál Timor-Leste (PNTL), Superintendente...

Close