JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MS seidauk halo pagamentu segunda faze ba otél sira

MS seidauk halo pagamentu segunda faze ba otél sira

Ministériu Saúde (MS) seidauk halo pagamentu segunda faze ba otél sira, tanba sistema free balance taka iha fulan Dezembru, tinan 2020 to’o loron 30, fulan Janeiru, tinan 2021, maibé iha tempu badak aprovizionamentu sei prosesa hodi selu.

Koordenadór Pilár VII COVID-19, Nilton do Carmo da Silva, hato’o lia hirak ne’e, relasiona ho informasaun ne’ebé espalla iha públiku katak, otél balun nia na’in lakohi ona atu utiliza ba fatin kuarentena, tanba MS seidauk halo pagamentu.

“Prosesu pagamentu primeira faze la’o ona, agora iha segundu faze balun iha prosesu nia laran, agora atu la’o ita tenke tuir duni lei aprovizionamentu ne’ebé tenke prosesu, verifika hotu, maibé laiha razaun ida só sira ne’ebé mak iha duni kestaun báziku ne’ebé presiza hadi’a ida ne’e mak karik sei pendente, maibé em jerál balun prosesu pagamentu faze primeiru la’o ona no balun atu tama ba segundu faze, ita boot sira hatene katak, husi fim de Desembro to’o fim de Janeiro ita labele prosesu, tanba iha sistema taka, ida ne’e nune’e duni, maibé iha tempu badak aprovizionamentu sei prosesu pagamentu segundu faze nian só ba sira ne’ebe mak iha duni problema mak sei iha prosesu, para finaliza ka buka solusaun ba problema entre kompañia ho aprovizionamentu, dau-daun ne’e otél ne’ebé kontratu ho MS hamutuk hitu (7)”, Koordenadór Pilár VII COVID-19 ne’e ba jornalista sira liu husi konferénsia Imprensa iha salaun enkontru Palaçio das Cínzas, Caicoli-Díli, Kuarta (03/02/2021).

Nia parte rekoñese, otél balun MS seidauk halo pagamentu no sei pendente, tanba sei presiza hadi’a kestaun bázika balun, hafoin hala’o prosesu pagamentu.

Nilton hatutan tan katak, dadaun ne’e aprovizionamentu MS sei prosesa hodi halo verifikasaun, nune’e iha tempu badak sei halo pagamentu.

Maske nune’e nia parte la esplika klaru otél hitu (7) ne’ebé MS kontrata no totál orsamentu ne’ebé sei selu ba otél sira ne’e. tos

Lee hotu :   Ezame nasionál hahú iha 15-17, ME distribui ona material ezame nian

Add to Comments Here!!!!

error: Content is protected.
Secured By miniOrange
You might also like:
Abril, Governu rekruta kandidatu foun F-FDTL

Xefe Estadu Maiór FALINTIL-Forsa Defeza Timor-Leste...

Timor-oan rua tan pozitivu COVID-19

Ministériu Saúde (MS) deteta tan Timor-oan...

Pagamentu saláriu tarde tanba Governu sei atualiza dadus

Vise Ministra Finansa (MF), Sara Lobo...

Close