JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Programa Sesta Bázika la tuir prosedimentu nutrisaun

Programa Sesta Bázika la tuir prosedimentu nutrisaun

Fundadora Organizasaun Naun Govermentál Hamutuk Ita Ajuda Malu (HIAM Health), Rosaria Martins da Cruz, konsidera programa Sesta Bázika ne’ebé Governu fahe ba komunidade sira ne’e la tuir prosedimentu nutrisaun, tanba ai-han sira ne’e laiha ida mak tama kategoria fó nutrisaun di’ak ba komunidade nia isin.

“Tenke hatene objetivu husi Sesta Bázika ne’e fundamentál, Sesta Bázika husi nia objetivu ne’e saída, Governu fó Sesta Bázika ba povu ne’e objetivu saída, hadi’a nutrisaun ka responde ba Estadu Emerjénsia (EE), tanba buat hotu la la’o, bee ema nia osan laiha atu hola hahan ba atu han, atu nune’e ita fó ba nia para halo bosu nia, ha’u ema nutrition ida atu hatete de’it fó ho objetivu halo nia bosu ka fó ho objetivu atu hadi’a nutrisaun iha ninia isin, sei fó objetivu atu hadi’a nutrisaun iha nia isin, ha’u haree ita-nia Sesta Bázika ne’e la tuir nutrisaun nia prosedur ida, tanba hahan sira ne’e hahan sira ne’ebé mak iha grupu ida ne’ebé tama kategoria ida ne’e nian tiha ona, sira dobel fali iha foos iha tan batar uut, hanesan ita hatene katak kategoria ai-han fó forsa ne’e foos, batar, supermi, ne’e ai-han fó forsa, tanba halo husi terigu, terigu ne’e karbohidratu ou ai-han fó forsa, sé ita fó ona foos batar lalika fó, sé ita fó batar foos lalika fó ona, supermi lalika fó ona, maibé fó fali buat seluk ne’ebé iha valór nutriente seluk fali”, Fundadora Organizasaun Naun Govermentál HIAM Health hato’o asuntu ne’e ba GMN iha ninia kna’ar fatin Ai-Mutin-Díli, Sesta (05-02-2021).

Tuir Rosaria, bainhira ko’alia kona-bá sesta bázika Governu tenke iha planu klaru, atu haree hahan item saída mak atu fahe ba komunidade sira.

“Ha’u husu Governu atu promove povu sira ho ai-han nutrisaun hanesan ikan, manu-tolun no ai-fuan, tanba Timor nia ema konsumu ai-han ne’ebé fó forsa mak barak no proteina hanesan ikan ho manu-tolun menus”, relata Fundadora Organizasaun Naun Govermentál HIAM Health ne’e.

Nia husu mós ba Governu atu fó orientasaun ba kompañia sira ne’ebé fornese ai-han ba komunidade iha programa Sesta Bázika, atu labele inklui kafé rahun, masin-midar, susu-been (Susu Enak) no supermi.

“Semana kotuk ha’u haree promove ona ikan ba komunidade, ne’e ha’u dehan terbaik tau nia ba hasa’i tiha Susu Enak, hasa’i tiha kafe-rahun, tanba povu la presiza kafe-rahun atu hemu, hasa’i tiha masin-midar, tanba labele ba estraga midar demais ba ema, masin-midar mós la’ós produs iha rai doben ne’e ida, produs tiha ona iha nia rai ne’ebá, o mak hatene ema produs saída iha iha masin-midar ne’e nia laran, ne’ebé promove ita-nia ikan ba, atu nune’e ita konsumu ikan maka’as fali, tanba ita konsumu ikan menus”, sujere Rosaria.

Entretantu tuir ninia haree, distribuisaun sasán Sesta Bázika iha fulan kotuk ne’e, iha suku balun simu sasán diferente ho komunidade iha suku seluk. eni

Lee hotu :   Ezame nasionál hahú iha 15-17, ME distribui ona material ezame nian

Add to Comments Here!!!!

error: Content is protected.
Secured By miniOrange
You might also like:
Kona-bá notifikasaun MP ba CPN-CNRT, PJR la fó komentáriu

Prokuradór Jerál Repúblika (PJR), José da...

Governu rekoñese foti rezerva kontinjénsia selu saláriu FP

Governu rekoñese ezekusaun Orsamentu Jerál Estadu...

Governu distribui reajente 8000-mákina PCR ba fronteira

Governu liu husi Laboratóriu Nasionál Saúde...

Close