JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun estranjeiru na’in lima pozitivu COVID-19, baixa 22

Sidadaun estranjeiru na’in lima pozitivu COVID-19, baixa 22

Ministériu Saúde (MS) liu husi Komisaun Nasionál COVID-19, rejista tan sidadaun estranjeiru na’in lima (5) konfirmadu pozitivu COVID-19, kompostu husi mane na’in tolu (3) no feto rua (2).

“Atualiza kazu pozitivu foun COVID-19, ohin, loron 2, fulan Fevereiru, tinan 2021, husi komisaun nasionál rejista tan sidadaun estranjeiru ema na’in 5 ne’ebé konfirmadu pozitivu COVID-19, kompostu husi mane 3 no feto 2. Entre sira ne’e mane iha idade 52, 50, 15, no feto iha idade 14 ho 18, sira ne’e hotu asintomátiku. Sira mai husi Tánzania iha loron 17, fulan Janeiru, tinan 2021 no loron 20, fulan Janeiru, sira tun iha aeroportu Díli ho aviaun Malaysia Airlines no sira mai hamutuk ema na’in 75. Sira halo auto kuarentena iha Lorenso Campound Metiaut no fatin refere priense duni prosedimentu COVID-19”, Koordenadora Jerál Komisaun Nasionál COVID-19, Odete da Silva Viegas hato’o informasaun ne’e, liu husi konferénsia imprensa iha salaun Palaçio das Cínzas, Caicoli-Díli, Tersa (02-02-2021).

Odete hateten, sidadaun refere teste Swab iha loron 29, fulan Janeiru ne’e, rezultadu RT-PCR pozitivu SARS CoV-2 no relata iha loron 1, fulan Fevereiru, tinan ne’e.

Iha Díli sira hela iha diferensa otél no apartamentu hamutuk 19 hanesan otél Arbiru Beach, otél Timor, Kampaun Beach House, Rezidénsia Malinamok, Villa Mata Rua, JL Villa, Kampaun Menoa, otél Time Square, Villa Bemori, Jack Sing Apartement, Kampaun Timor Resort, Beach Garden, Palm Beach, Rezidénsia Tuana Laran, Ray Garden Apartament, Rezidénsia Jacinto, Villa Mar, USA Embassy no Rezidénsia Comoro”, relata Koordenadora Jerál Komisaun Nasionál COVID-19 ne’e.

Nia informa, MS mós fó sai hikas pasiente rekuperadu COVID-19 na’in rua ba família, tanba rezultadu teste hatudu negativu.

“Ohin 2 Fevereiro MS fó sai hikas pasiente rekuperadu COVID-19 na’in 2. Mane ho idade 16, nia baixa iha 24 Janeiro, teste primeiru foti iha 28 Janeiro no teste segundu iha 1 Janeiro no rezultadu negativu tu-tuir malu. Feto ho idade 29. Nia baixa iha 23 Janeiro, teste primeiru foti iha 28 Janeiro no teste segundu foti iha 1 Janeiro no rezultadu hatudu negativu tu-tuir malu. Nune’e pasiente rua refere ohin alta ona husi sala izolamentu Vera Cruz-Díli, hodi fila ba sira-nia família no nia komunidade”, informa Odete.

Tuir Dadus hahú husi loron 2, fulan Fevereiru, tinan ne’e, kumulativu teste 19223, hein rezultadu 64, kazu foun 5, kumulativu kazu 75, rekuperadu 2. Kumulativu rekuperadu 53+4=57, atuál baixa 22 (Vera Cruz: 21, RAEOA: 1), kumulativu negativu 19084, pasa ona 14 dias 7513, kuarentena 229 (Díli: 125, munisípiu: 104), auto kuarentena 183 (Díli: 176, munisípiu: 7). eni

Lee hotu :   PM Taur sofre moras estómagu inflamasaun

Add to Comments Here!!!!

error: Content is protected.
Secured By miniOrange
You might also like:
PR husu F-FDTL serví nasaun ho profisionalizmu

Prezidente Repúblika (PR), Francisco Guterres Lú...

Sistema Asycuda World sei hadia atividade negósiu TL

Ministru Koordenadór Asuntu Ekonómiku (MKAE), Joaquim...

Korea seidauk simu traballadór Timor-Leste

Embaixadór Korea du Súl ba Timor-Leste...

Close