JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Atu hakoi ema mate ho COVID-19 Koveiru na’in 27 simu informasaun

Atu hakoi ema mate ho COVID-19 Koveiru na’in 27 simu informasaun

Ministériu Solidariedade Sosiál no Inkluzaun (MSSI) Ministériu Admistrasaun Estatal (MAE) no Ministériu Saúde (MS) fó formasaun ba koveiru na’in 27 kona-ba, oinsa halo’ot vitíma mortál COVID-19, oinsa prevene-an, oinsa atende mate-isin COVID-19 no depois hakoi vitíma mortál COVID-19.

Koordenadór Pilár 7 COVID-19, Nilton do Carmo da Silva, hatete, formasaun prevensaun no kontrolu infesaun no jestaun óbitu relasiona ho COVID-19 ne’ebé seguru, ho objeitivu atu fó koñesimentu ba formandu sira kona-ba, saida mak presiza sira prepara no saida mak sira tenke kuidadu, depois hakoi mate-isin saida mak presiza sira halo.

“Parte saúde nian ida mak prepara halo polítika ba jestaun óbitu ba COVID-19 no segundu mak halo guia kona-ba, papél saúde nian, MAE nia jestaun oinsa prepara ema atu halo óbitu no prepara rai, no MSSI nian mak prepara kareta funeráriu”,dehan Nilton do Carmo da Silva, ba Jornalista sira, Kinta (25/03/2021), iha Kaikoli.

Koordenadór Pílar 7 COVID-19, afirma, formasaun  ne’e mos oinsa atu fó koñesimentu ba formandu sira, ne’ebé lori kareta funeráriu no sira ne’ebé iha semitériu atu bele hatene saida mak prevensaun kontrolu, no oinsa prevene sira-nia an no mós lala’ok oinsa jestaun atu atente óbitu COVID-19 durante halo sira-nia servisu.

“Kona-ba protesaun laiha diferensa ho ekipamentu protesaun pesoál ne’ebé uza ba kazu COVID-19, tanba ami sei fahe ekipamentu protesaun pesoál iha klase A B no C no mós sei fó hatete ba sira iha tempu saida mak sira bele uza ekipamentu protesaun pesoál A B no C, tanba ne’e formasaun ne’e atu introdus meius no lala’ok ekipamentu protesaun pesoál ba sira oinsa atu uza”,dehan Nilton do Carmo da Silva.

Lee hotu :   MESSK: Orsamentu rekruta formadór lian Portugés la sufisiente

Nia subliña, depois formasaun sei halo simulasaun durante loron ida, maibé loron ida ne’e tempu ne’ebé badak no karik loron ida mak la sufisiente, no hosi saúde prontu atu fó fali formasaun iha tempu tuir mai.

Nune’e mós, Diretór Jerál MSSI, Rui Exposto, haktuir, formasaun ne’e hosi MSSI aprezenta nia papél no preparasaun kona-ba, prepara motorista no kareta funeráriu atu atende bainhira iha óbitu pasiente COVID-19.

“Ne’e atu prepara ekipa ne’ebé atu responsabiliza ba funebre pasiente COVID-19, tanba ne’e mak ohin, ita envolve MS no MAE ne’ebé ida-idak iha nia papél  hodi prepara bainhira iha pasiente covid mate oinsa mak ekipa bele lalais halo atuasaun hodi rezolve hodi halo funebre” realsa.

Rui hatutan, Governu nunka hanoin atu hótar nia sidadaun sira, maibé Governu halo preparasaun, ne’ebé públiku labele hanoin negativu.

Reprezentante MAE, Sebastião Pereira, hatete, papél MAE mak atu prepara formandu hanesan koveiru hodi tuir formasaun atu atende ba óbitu pasiente COVID no mós prepara rai ba simetériu óbitu COVID nian.

 “Ami presiza ema hosi Metinaro-oan, tanba semitériu ne’ebé prepara ba mate isin COVID-19 prepara iha Metinaro, nune’e bainhira iha servisu ruma urjente sira preparadu ona  tanba hosi Díli diak, maibé nia distansia mak dook no koveiru hirak ne’e Autoridade lokál no Admistradór Postu Metinaro mak hili no sujere ba iha MAE hodi tuir formasaun”,dehan.

Sebastião reafirma, iha inísiu, MAE husu Metinaro-oan na’in 20 atu servisu atende óbitu COVID, maibé tanba Autoridade Lokál iha Postu Metinaro sujere ema mai liu ona na’in 20 mak hosi MAE nafatin simu tanba sira sei halo servisu rotasaun tuir ekipa bainhira akontese óbitu COVID-19.Fel

Lee hotu :   Governu la fó instrusaun ba líder komunitária blokeia dalan kada bairu

 

 

Add to Comments Here!!!!

error: Content is protected.
Secured By miniOrange
You might also like:
COVID-19: Díli aumenta ba 238, Covalima ida

Koordenadór Forsa-Tarefa ba Prevensaun no Mitigasaun...

EUA sei oferese aviaun ida ba TL kontrola marítima

Estadus Unidus Amerika (EUA), sei rehabilita...

Renovasaun no rejuvenezsia iha FRETILIN inevitável

Lider históriku partido FRETILIN, Jose Ramos...

Close