JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

COVID-19: Kazu konfirmadu foun 21, atuál baixa 342

COVID-19: Kazu konfirmadu foun 21, atuál baixa 342

Koordenadór Forsa-Tarefa ba Prevensaun no Mitigasaun Surtu Covid-19, Rui Maria de Araújo, hatete, Ekipa Konjunta Saúde Munisípiu Díli deteta tan kazu konfirmadu Covid-19 foun 21,  nune’e númeru atuál baixa hamutuk 342.

Hahú hosi inisiu loron 07 to’o 29 fulan Marsu, Díli rezista kazu komfirmadu pozitivu Covid-19 hamutuk 350 ho knuk ka cluster 45, hosi númeru kazu hirak ne’e laiha pasiente ida mak tama izolamentu ho kondisaun grave, maioria ho kazu lizeiru, nune’e evolusaun surtu Covid-19 iha Munisípiu Díli, iha loron Segunda 29/03 Munisípiu Díli deteta tan kazu foun 21 ho ninia cluster 3  ka foku propagasaun”, Rui Araújo, hato’o informasaun ne’e, liu hosi komunikadu ne’ebé GMN  asesu hosi média protokolu, Sala Situasaun Jestaun Krize Segunda (29-03-2021).

Rui informa, hahú hosi loron 7 to’o 29 Marsu, kazu komfirmadu pozitivu hamutuk hotu 350, númeru kazu hirak ne’e , iha knuk ka cluster 45 maka sei nafatin hatudu atividade hada’et tutan, virus SARS-CoV-2 hosi ema ida ba ema seluk, liu-liu iha Suku Bebonuk, Fatuhada ho Comoro.

Tanba ne’e tuir dadus jerál ne’ebé relata hosi SIJK, kazu foun  deteta iha loron Segunda (29/03)  iha na’in 21, kazu rekuperadu 1, total kazu ativu iha izolamentu iha Díli inklui izolamentu iha Hotel Novu Horizonte hamutuk hotu 342. Hosi kazu foun na’in 21 kompostu hosi mane na’in 13, feto na’in 8, kazu sintomátiku na’in 5, kazu asintomátiku na’in 16.

Rui informa, SIJK iha simu mós dadus teste PCR hosi labarotóriu nasionál saúde hamutuk 565, dadus hirak ne’e, ema ne’ebé husu pedidu atu sai hosi serka sanitária iha Díli ba Munisípiu, maibé hosi númeru teste PCR ne’e iha de’it 241 mak mai hosi pedidu autorizasaun esepsionál atu sai hosi serka sanitária iha Munisípiu Díli.

Lee hotu :   Pasiente Covid-19 iha TL maioria feto Kazu pozitivu aumenta ba ulu

“Total pedidu autorizasaun esepsionál atu sai hosi no tama mai serka sanitária iha Munisípiu Díli, hahú hosi loron Domingu 28/03 hamutuk hotu iha 43, númeru hirak ne’e mak hosi sekretariadu CIGC responde hotu kedas, maibé  iha pedidu 7 mak la priense kriteriu tuir rezolusaun Governu nian,”tenik Rui. eni

Add to Comments Here!!!!

error: Content is protected.
Secured By miniOrange
You might also like:
Governu renova SS iha Baucau no Viqueque to’o 2 Abril

Governu realiza reuniaun estraordinária Konsellu Ministru,...

SAMES enfrenta problema menus aimoruk

Aimoruk iha Servisu Autónomu Medikamentus Ekipamentus...

CNRT: Sistema judisiáriu TL moras todan tanba PJR la imparsiál

Deputadu CNRT, Gabriel Soares, liuhosi deklarasaun...

Close