JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

COVID-19: MSSI prepara ona kaixaun 300

COVID-19: MSSI prepara ona kaixaun 300

Diretór Jerál Ministériu Solidariedade Sosial no Inkluzaun (MSSI), Rui Exposto, Kinta (11/3), ba JNDiário,  hatete,  MSSI, prepara ona kaixaun 300 no Carro Funerario, bainhira iha ona ema mate tanba COVID-19.

“Hau hanoin sistema ne’e desde uluk kedan Governu estabelese ona, nia mekanismu hanesan ne’e, wanhira ema ne’e moras, Ministériu Saúde mak responsabiliza, maibé wanhira ema ne’e mate ona MSSI mak responsabiliza, liu-liu transporte Carro Funerariu, kaixaun, MSSI nia papel ida mós atu haree kona-ba funebre, wanhira pasiente COVID-19 ida mate, entaun agora MSSI halo hela preparasaun ida ne’ebé ita espera labele akontese, maibé sé karik akontese governu preparadu ona atu halot mate isin sira ne’e”, hatete  Diretór Jerál MSSI.

Rui Expostu hatete, governu kria ona  Interministeriál, ne’ebé kompostu husi Ministériu Saúde (MS), Ministériu Solidaridade Sosial no Inkluzaun (MSSI) no Ministériu Estatál (MAE), estabelese ona sistema no mekanismu, hodi halo preparasaun atu antesipa, banhira iha kazu mate ruma tanba COVID-19.

Diretór Jerál MSSI esplika Ministériu Saúde akompaña pasiente COVID-19 hodi halo tratamentu, Ministériu Solidaridade Sosial no Inkluzaun prepara kaixaun no Carro Funerariu, wanhira pasiente COVID-19 hakotu I’is, Ministériu Estatál prepara rai no forma pesoal Koveiru sira hodi hakoi mate isin COVID-19.

Dadaun ne’e, MSSI prepara ona kaixaun 300 ho Carro Funerariu, wanhira pasiente COVID-19 balun hakotu nia peregrinasaun iha mundu ne’e. No Governu mos identifika ona rai balun iha Metinaro hodi antesipa, wanhira pasiente COVID-19 balun mate, bele ba hakoi iha neba.

Ministériu Estatál mós prepara hela pesoal Koveiru sira atu tuir formasaun adekuadu husi Ministériu Saúde, hodi halo prevensaun ba sira nia an husi COVID-19.

Lee hotu :   Dom Virgílio: Sarani hotu tenke kumpre regra MS-OMS

Nia espera  katak atu situasaun hirak ne’e labele akontese iha rai lulik ida ne’e, tamba ne’e nia husu  povu Timor-Leste atu reza hodi husu tulun ba Nai Maromak.

“Ministériu 3 mak servisu hamutuk hanesan MS, MSSI no ministériu ESTATAL ,saúde halo atendementu momentu nia moras to’o nia mate,kuandu nia mate ona MSSI prepara kaixaun,carro funerariu oinsa atu transporta nia ba semiteriu no to’o ona iha semitériu pesoal sira ne’ebé involve husi ministériu ESTATAL ba Koveiru sira ho MAE hatudu rai ida ne’ebé rai mós preparadu ona iha Metinaro desde 2020 , agora hein pesoal sira ne’e hamutuk hodi tuir formasaun mais adekuadu husi MS kona-ba prevensaun ba sira nia an, MAE sei prepara hela nia ema MSSI prepara hela kaixaun 300 iha hela stok”, hatete  Diretór Jerál MSSI.

Tuir dadus ne’ebé fó sai husi Sala Situasaun Sentru Jestaun Krize, kazu konfirmadu iha Kinta, 11 Marsu  iha konfirmadu 14, nunee númeru kazu konfirmadu Covid-19  iha Kapitál Díli sae ba 36 no total kazu ativu ne’ebé baixa hela hamutuk 65. Tos

Add to Comments Here!!!!

error: Content is protected.
Secured By miniOrange
You might also like:
Prevene COVID-19, Komunidade Perumdis taka dalan tama bairu

Komunidade  Sargrada Coração de Jesus Perumdis...

Governu la fó instrusaun ba líder komunitária blokeia dalan kada bairu

Governu liuhosi Ministériu Administrasaun Estatál (MAE)...

Sidadaun Timor ne’ebe estraga kartaun eleitorál sei multa

Ministru Prezidénsia Konsellu Ministru, Fidelis Magalhães,...

Close