Ekipa konjunta saúde deteta tan kazu konfirmadu COVID-19 foun tolu

Kordenadór Forsa-Tarefa ba Prevensaun no Mitigasaun Surtu Covid-19, Rui Maria de Araújo, hatete, ekipa konjunta Saúde Munispiu Dili, detetan tan kazu konfirmadu Covid-19 foun na’in tolu (3). Hosi númeru ne’e, 2 hosi Ministériu Transportes e Komunikasaun (MTK), no ida husi Hospital Nacional Guido Valadares (HNGV).

“Progresu atividade prevensaun & mitigasaun surtu Covid-19 iha Munisípiu Díli hafoin deteta kazu foun rua iha bairru BTN II, Tasi Tolu, Suku Madohi, Postu Administrativu Dom Aleixo, iha dia 7 de Marsu, ekipa konjunta saúde buka-tuir kontaktu-besik hosi kazu rua ne’e. Atividade buka-tuir kontaktu-besik,hahú dia 7 ne’e kedas,to’o ohin meiu-dia, total iha 472 amostras. Hosi amostra hirak ne’e, total iha 24 pozitivus, no hosi horiseik mai ohin, ita  iha tan kazu pozitivu hamutuk nain 3,” Rui Araújo, informasaun ba Jornalista sira,  liuhosi koferensia ba Imprensa iha  Centro Integrado Gestão de Crises, Sala Situação (CIGC-SS) CCD, Kuarta (10-03-2021).

Rui hatete, atividade rastreiu aleatóriu random screning, ne’ebé hala’o hosi loron  6 fulan  Marsu, to’o ohin iha Díli laran, ekipa konjunta saúde rekolha 1281 amostras. Hosi total amostra ne’e, 528 negativu, 752 iha prosesu hela, no  seidauk iha ida maka pozitivu.

“Kazu ne’ebe ita detetadu ka pozitivu iha Dili, fahe ba foku ou agrupamentu ka cluster hanesan tuir mai, BTN II-Terra Santa kazu 6, Ministériu Finansas, Aldeia 4 Setembru Comoro kazu 4, SEFOPE 9. Bebonuk 2. Ministériu Transportes e Comunicação Kazu 2. Hospitál Nasional Guido Valadares 1,” eslika Rui Araújo.

Iha biban ne’e Rui informa mós kona-ba progresu hosi atividade prevensaun & mitigasaun surtu covid-19 iha munisípiu Covalima. hafoin kazu estensionista agrikultura nian halo kontaktu diretu ho kolega servisu nomos ema seluk iha Suai Vila.

“Iha  9 de Marsu, kompleta loron 14 hafoin kazu estensionista agrikultura nian, ne’ebé hela iha aldeia Onularan, suku Maudemu, Postu Administrativu Tilomar, halo kontaktu diretu ho kolega servisu no mos ema seluk iha Suai Vila. Ema hotu ne’ebé tama kritériu kontaktu-besik husi kazu ne’e, inklui nia oan nain 4, funsionáriu Ministériu Agrikultura & Peskas, no viziñu sira, hamutuk hotu 75 pessoas iha Tilomar no 22 pessoas iha Suai Vila, halo ona segundu teste iha dia 8 & 9 de Marsu. Rezultadu hatudu negativu. Ho negativudala rua ne’e, signifika kontaktu-besik hirakne’e, bele deklara ona, livre husi kontájiu virus SARS-CoV-2,” tenik nia.

Tuir Rui katak, ekipa konjunta saúde iha Unidade Territoriál CIGC-SS Munisípiu Covalima, sei nafatin monitoriza situasaun iha Suku Belulik Leten, Postu Administrativu Fatumea. Kazu ikus-liu iha Postu Administrativu ida ne’e deteta iha loron 6 de Marsu. Kontaktu-besik hosi kazu konfirmadu 13, iha Suku Belulik Leten, balun segundu teste negativu ona, balun fali sei tenki teste iha loron hirak tuir mai

“Ho baze ba faktu sira hanesan temi iha leten, Konsellu Ministrus ohin deside ona atu hapara serka sanitária iha Munisipiu Covalima, maibé mantein nafatin serka iha Postu Administrativu Fatumea, to’o kompleta tan loron 14, sura hosi loron ne’ebé deteta kazu ikus-liu (6 Marsu 2021),”haktuir Rui.

Iha oportunidade ne’e, Rui afirma, iha loron 28 Janeiru 2021, 10 Fevereiru 2021 & 16 Fevereiru 2021, liuhosi atividade vijilánsia sentinela iha Hospitál Referensia Suai, rekolle amostra hosi bebé nain 3 ne’ebé iha infesaun respiratória aguda. Sira nia amostra -hanesan mós ho amostra vijilánsia sentinela sira seluk -haruka mai Laboratoriu Nasionál Saúde iha Dili.

Iha loron 07 de Marsu, Laboratóriu Nasional Saúde informa ekipa konjunta saúde iha Covalima, katak sira nia rezultadu pozitivu, Ekipa konjunta saúde nian iha Covalima, kontakta kedas familia husi bebé nain 3 ne’e, hodi foti hikas amostra ba bebé sira ne’e, atu bele sertifika se pozitivu duni ka la’e, hafoin foti mós amostra ba sira nia família hamutuk ema nain 35. Hosi análize ba amostra hirak ne’ebé foti iha dia 8 de Marsu, hatudu rezultadu negativu hotu kedas.

“Akontesimentu ida ne’e halo ema balun iha komunidade Suai vila nia le’et deskonfia katak Governu halimar ho kazu Covid-19, Governu maka inventa,  ida ne’e laloos, Repetisaun ba análise ne’e, prosedimentu normalne’ebé adopta iha laboratóriu sira hotu, wainhira iha dúvida kona-ba rezultadu ruma,” informa Rui.

Progressu atividade prevensaun no mitigasaun Covid-19 iha munisípiu sira seluk no RAEOA hosi loron 3 fulan Marsu to’o ohin, ekipa saúde nian iha munisípiu 10 no RAEOA rekolle hamutuk hotu 789 amostras vijilánsia sentinella. Housi total 545 negativu, 244 sei iha prosesu & laiha ida mak pozitivu.

Dadus jerál kazu foun 3, kazu rekuperadu laiha, kazu ativu 51, hahú hosi loron 01 to’o loron 10 fulan Marsu, total ema ne’ebe tama hosi fronteira terrestre legál  75,  illegal nain 7.eni

Leave a Reply

Your email address will not be published. Required fields are marked *