JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estudante DIT triste la tuir prosesu aprendizajen liu husi Online

Estudante DIT triste la tuir prosesu aprendizajen liu husi Online

Estudante sira Díli Institute Of Technology (DIT) dala barak la tuir prosesu aprendizajen liu husi Online, tamba osan laiha atu sosa pulsa telefone.

 “Sim ami tuir husi online ,maibe ami sente online ne’e hanesan buat foun mai ami ,maibe dala ruma ami komprende dala ruma mos ami mos la komprende, pulsa deit loron ida 1 dolar rede failansu ami ladun ativu dala ruma ami tuir duni, maibe esplikasaun kotu kotu ne’ebé ami ladun komprende iha ne’eba ,ami koalia nakloke de’it pulsa ne’e iha ami bele tuir, maibe pulsa  laiha  ami labele tuir, tamba ne’e mak ami husu governu bele ajuda pulsa ruma bele kompleta ami nia aula online”, lamenta  Estudante Díli Institute of  Technology, Agustinha de Araújo ba JNDiário iha kampus DIT, Domingu (21/03) ne’e.

Agustinha husu ba Governu liu husi Ministériu Ensinu Superiór Siénsia no Kultura atu servisu hamutuk ho operadór telekomunikasaun ne’ebé eziste iha Timor-Leste, hodi nune’e fasil ba estudante sira atu asesu rede internet ho diak.

Hatán ba preokupasaun ne’e, Reitor Díli Institute of Technology (DIT), Alvaro Amaral, hatete, nia parte hato’o ona proposta ba iha Vise Primeira Ministra no Ministra Solidaridade Sosial no Inkluzaun Armanda Berta dos Santos, atu tulun estudante sira ho pulsa, tamba estudante sira la tuir prosesu aprendizajen liu husi online.

“Agora universidade ita lori fali ba uma ona prosesu aprendizazen komesa hakilar konaba pulsa, ita lakohi ita nia joven sira lakon oportunidade aprende atu nunee sira iha kompetensia naton aban bairua sira akaba sira nia estudu, sira bele hetan servisu. Hau nia proposta ohin ba vise Primeira Ministra no mos ba Oitavu Governu Konstitusional katak, agora dadauk kada estudante ida loron ida sira tenki hetan pulsa 1 dolar, entaun husu tulun ba iha governu para atu nunee tangun netik 50 cent depois inan aman tangun 50 centavus ida nee fo tulun tebes ba estudante para estudante, sira labele lakon sira nia oportunidade mezmu iha situasaun defisil”, dehan reitor DIT.

Lee hotu :   PM Taur husu ba sidadaun sira atu kumpre regra EE

Kona-ba proposta Díli Institute of Technolgy nian ne’e, Vise Primeira Ministra no Ministra Solidariedade Sosiál no Inkluzaun, Armanda Berta dos Santos, seidauk bele fó resposta, tamba nia parte sei haree lai.

“.. , ita haree ba oin, oinsa maka atu bele responde ba situasaun ida ne’e, agora dadauk sei la responde ba ida ne’e lai”, hatán Armanda Berta dos Santos.

Nia dehan Ministru Ensinu Superiór, Siénsia no Kultura , Longuinhos dos Santos mós sei tetu, tamba kona-ba ida ne’e orsamentu la prevé.

“Ita tau atensaun, maibe ita haree mos liu-liu ba orsamentu ne’ebé ita prevé,orsamentu ita seidauk prevé ba iha ne’eba, maibe ita tetu no fó konsiderasaun ba asuntu ida ‘ mos, pasu hotu-hotu governu esforsu an tuir kb’iit ne’ebé iha”,dehan Vise PM.

Dadaun ne’e, total estudante ne’ebé  rejista iha Ministériu Solidaridade Sosial no Inkluzaun 5.586 husi númeru ne’e kompostu  husi  Instituisaun Ensinu Superior  13 inklui Universidade hotu.

Univesidade no institutu profesional sira implementa prosesu apredizajen liu husi online, tanba nasaun nee halao hela Serka Sanitária iha munisípiu Díli, Baucau no Viqueque, tamba númeru COVID-19 iha munisipiu Díli loron-ba loron aumenta ba bebeik.Tos

Add to Comments Here!!!!

error: Content is protected.
Secured By miniOrange
You might also like:
Ekipa Pilár VI-MS koloka ona iha Kasa-Nafar

Ekipa pilár VI husi Ministériu Saúde...

Tenta korta dalan ba Baucau, PNTL kaptura ema 13 submete ba teste swab

Ekipa  Ministériu Saúde (MS) hala’o teste swab...

Kazu COVID-19 foun 55, atuál baixa 206

Ekipa Konjunta Saúde Munisípiu Díli, Baucau...

Close