JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu konfirmadu COVID-19 iha Díli aumenta ba 36

Kazu konfirmadu COVID-19 iha Díli aumenta ba 36

Koordenadór Forsa-Tarefa ba Prevensaun no Mitigasaun Surtu COVID-19, Rui Maria de Araújo, informa, Ekipa Konjunta Saúde Munisípiu Díli, detetan tan kazu konfirmadu pozitivu COVID-19  hamutuk 12, nune’e kazu konfirmadu iha Munisípiu Díli aumenta ba 36. 

“Progresu atividade prevensaun no mitigasaun surtu Covid-19 iha Munisípiu Díli, Hosi horiseik mai ohin iha Díli, hosi amostra ne’ebé rekolla iha atividade buka-tuir kontaktu-besik, iha tan 12 maka positivu, pozitivu 1 kontaktu-besik hosi kazu Bebonuk, Pozitivu 8 kontaktu-besik hosi kazu sira SEFOPE, Pozitivu 2 kontaktu-besik ho kazu Ministériu Finansas no  Ministériu Transportes e Komunikasaun, Pozitivu 1 iha aldeia 4 de Setembru, Tasi Tolu, Díli. Ho nune’e, kazu detetadu ka pozitivu iha Díli, hamutuk hotu 36, fahe ba foku agrupamentu cluster hanesan tuir mai, BTN II-Terra Santa, Suku Madohi kazu 6, Aldeia Gólgota, Madohi kazu 3. Aldeia Lurumata, Suco Madohi kazu 2. Aldeia 4 Setembru, Komoro kazu 1. Aldeia Fomento I, Suku Comoro kazu 3. Aldeia 05, Suku Fatuhada,  kazu 3. Bebonuk kazu 2. Delta kazu 1. Ministériu Finansas kazu 3. SEFOPE kazu 9. Ministériu Transportes e Komunikasaun kazu 2. Hospital Nacional Guido Valadares kazu 1.  Kazus 36  iha cluster 12, instituisaun 4, Suku 4. iha Postu Administrativu Dom Aleixo,” Rui Araújo, hato’o informasaun ne’e liuhosi konferensia ba Imprensa iha Sala Situasaun Centro Integrado Gestão de Crises CCD, Kinta (11/032021).

Rui Araújo informa mós katak, iha loron kinta (11/03/2021) iha Postu Administrativu Fatumea, deteta hikas pozitivu nain rua, ho CT entre 39 ho 42, signifika iha ona faze rekuperasaun hosi kontaktu-besik nain rua ne’ebé halo sira nia segundu teste.

“Ohin iha Postu Administrativu Fatumea, deteta hikas pozitivu nain rua, ho CT entre 39 ho 42- signifika iha ona faze rekuperasaun hosi kontaktu-besik nain rua ne’ebé halo sira nia segundu teste. Ho nune’e, kazu iha Fatumea sae ba 15. Ekipa konjunta saúde sei nafatin buka tuir kontaktu-besik hosi kazu pozitivu sira iha Fatumea”,haklean nia.

Lee hotu :   PM Taur Matan Ruak: Veteranus seidauk fó kontribuisaun másimu ba dezenvolvimentu nasionál

Rui hatutan,  serka sanitária iha Munisípiu Covalima hapara ona atividade iha Suai vila, no postu administrativu sira, eseptu Fatumea hahú la’o normal, maibé eskola ho administrasaun públika foin mak bele hahú funsiona iha segunda-feira oin mai.

“Progressu atividade prevensaun no mitigasaun surtu Covid-19 iha munisípiu sira seluk no RAEOA. ekipa saúde nian iha munisípiu 10 no RAEOA rekolle hamutuk hotu 193 amostras iha atividade vijilánsia sentinella. Amostra hirak ne’e hotu haruka ona mai Laboratoriu Nasional de Saúde no sei iha hela prosesu análize,” esplika Rui.

Dadus jerál, kazu foun 14, kazu rekuperadu laiha, kazu ativu 65, no dadaun ne’e pasiente sira ne’ebe baixa iha Vera Cruz sira nia saúde maioria asintomatiku, iha balun mak iha sintomas, maibé lijeiru.eni

Add to Comments Here!!!!

error: Content is protected.
Secured By miniOrange
You might also like:
COVID-19: MSSI prepara ona kaixaun 300

Diretór Jerál Ministériu Solidariedade Sosial no...

Prevene COVID-19, Komunidade Perumdis taka dalan tama bairu

Komunidade  Sargrada Coração de Jesus Perumdis...

Governu la fó instrusaun ba líder komunitária blokeia dalan kada bairu

Governu liuhosi Ministériu Administrasaun Estatál (MAE)...

Close