JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu pozitivu COVID-19 iha Covalima aumenta ba 10

Kazu pozitivu COVID-19 iha Covalima aumenta ba 10

Ekipa Saúde rekolla amostra 90 iha aldeia Klauhalek,   Aldeia Belulik Kra’ik,   Postu Administrativu Fatumea,  Aldeia Onu-Laran,   Suku Maudemu, Postu Administrativu Tilomar,  Suai vila. Husi Amostra hirak ne’e seidauk halo hotu análiza, maibé husi amostra 47 ne’ebé halo ona análize laboratóriu, iha tan kazu konfirmadu na’in 2,  kazu konfirmadu na’in 2  ne’e,  husi família uma-laran estensionista, tanba ne’e sura ho sira ne’ebé uluk hamutuk na’in 10 ona iha munisípiu Covalima.

‘’Cluster’’ klauhalek hamosu tan ‘’cluster’’ foun ida iha onu-laran, maudemu, Tilomar. Hanesan horiseik informa ona ba ita bo’ot sira hotu, husi kontaktu-besik ne’ebé halo ho Kazu Primáriu Klauhalek (KPK), estensionista, ema ida ne’ebé hela iha aldeia Onu-laran, Suku Maudemu, Postu Administrativu Tilomar, konfirmadu pozitivu. Husi atividade buka-tuir ema ne’ebé halo kontaktu-besik ho estensionista ne’e, horiseik 27 Fevereiru, ekipa saúde rekolla total 90 amostra iha fatin 4, Amostra hirak ne’e seidauk halo hotu análize, maibé husi 47 amostra ne’ebé halo ona análize laboratóriu, iha tan kazu konfirmadu na’in rua. Kazu konfirmadu na’in rua ne’e, ema família uma-laran husi estensionista. Iha sira-nia uma laran iha ema na’in sia (9). Ida ne’e signifika husi ema na’in ualu (8) seluk ne’ebé iha uma-laran, na’in rua deit maka konfirmadu hetan kontájiu, ka 25% (Household Secondary Attack Rate),” Kordenador Forsa-Tarefa ba Prevensaun no Mitigasaun Surtu COVID-19, Rui Maria de Araújo,  hato’o informasaun ne’e,  liu husi konferénsia ba imprensa iha Sala Situasaun Jestaun Krize, Domingu (28-02-2021).

Rui hatete, ho tan kazu konfirmadu rua ne’e, signifika iha Munisipiu Covalima iha ona ‘’Cluster’’agrupamentu kazu konfirmadu rua. Dehan ho liafuan seluk, ‘’Cluster’’ Klauhalek, hahoris tan, ‘’cluster’’ Onu-laran. Iha hein ‘’cluster’’ Onu-laran sei la hahoris-tutan ‘’cluster’’ seluk.

Lee hotu :   MS atualiza fatin karantina COVID-19 iha Tibar ba PM

Rui informa mós katak,  estensionista ninia kolega servisu nain 27, ho tan kontaktu-besik iha família nian 12, hatudu rezultadu negativu, maibé ekipa saúde sei monitoriza nafatin ema sira ne’e, iha izolamentu profilaktiku obrigatóriu (kuarentena) ne’ebé halo iha ida-idak nia uma (auto-kuarentena). Amostra sira seluk husi hirak ne’ebé rekolla horiseik, sei halo hela analize iha laboratoriu.

Iha biban ne’e, Rui esplika tan katak, husi kazu konfirmadu foun ne’ebé fó sai,  iha  estudante 5º Ano, ne’ebé eskola iha  eskola Bázika Sentrál, Salele, Tilomar.

“Hakarak informa mós públiku tomak katak, husi kazu konfirmadu foun ne’ebé ohin anunsía, ida estudante 5º Ano, iha eskola Bázika Sentrál, Salele, Tilomar. Ekipa saúde nian koordena ona ho autoridade relevante sira, hodi buka tuir dadaun ona kolega turma, no mós kolega halimar husi estudante ne’e rasik”,tenik.

Rui  apela ba inan-aman estudante, no mós profesór sira iha Eskola Bázika Sentrál Salele atu kalma, labele pániku, no favór kolabora ho ekipa saúde nian. Wainhira iha estudante ida pozitivu, la signifika nia bele hada’et virus ne’e ba ema hotu-hotu. Ezemplu konkretu maka uma-kain estesionista ne’e rasik, sira hamutuk nain 8 (la sura ho estensionista), maibé iha na’in 2 deit maka pozitivu.

“Maski nune’e, presiza foti amostra husi profesora turma, kolega turma no kolega halimar hamutuk husi estudante ne’ebé konfirmadu ona, hodi bele halo análize iha laboratóriu. Ekipa saúde sei foti mós amostra adisionál balun (random) husi profesór no estudante balun, inklui mós iha fatin seluk iha Suai vila. Ba estudante no profesór sira seluk, wainhira iha karik sintomas ka sente isin-manas, kakorok moras maka’as, mear ka inus-ben, favór kontakta Sentru Saúde, ka bele telefone diretu ba númeru 119, atu ekipa saúde organiza oinsá bele hetan atendimentu”,dehan.

Lee hotu :   ME louva kapasidade professores

Tuir Rui katak, prosesu restreiu seletivu em massa ka screening ne’ebé hala’o iha munisípiu Covalima, Bobonaro ho RAEOA, sei nafatin la’o hela. Amostra ne’ebé foti husi dia 26 mai to’o ohin ne’e nafatin hatudu rezultadu negativu. Apela ba populasaun iha Covalima laran tomak, atu favór tu’ur hakmatek iha ida-idak nia fatin, lalika la’o ba-mai lai, fó tempu atu ekipa saúde, munisípiu Covalima, buka tuir kontaktu-besik sira hotu, no foti tan amostra hodi bele halo teste.

“Apela mós ba populasaun Timor-Leste tomak, atu nafatin matan-moris neon nain, pratíka nafatin medida sira ne’ebé ita hotu hatene ona: (a) Uza mascara; (b) fase liman beibeik ho sabaun ka dezinfetante ruma; (c) wainhira kumprimenta malu, lapresiza ka’er liman, bensa-liman, rei-malu ka haku’ak malu; (d) evita halibur malu barak; (e) hamri’ik ka tur do’ok husi ema seluk, mínimu metru ida ho balun”,dehan.

Dadus Jeral  kazu konfirmadu foun 2,  kazu rekuperadu 1,  kazu ativu 23,  ema tama husi fronteira husi loron 25 to’o ohin loron  liu dalan legal hamutuk 17,  liu dalan legal ne’ebé autoridade sira deteta hamutuk nain 11,  no dadaun sira ne’e hotu tama ona iha kuarentena.eni

Add to Comments Here!!!!

error: Content is protected.
Secured By miniOrange
You might also like:
Deputada do CNRT acusa Governo de cometer irregularidades na execução do OGE 2019

A deputada da Bancada do Congresso...

Reitor do IOB pede a Governo que invista no turismo já em 2021

O Reitor do Instituto Empresarial (IOB,...

CNRT: Governo deve ponderar questão da transformação de Ataúro em município

O Vice-Chefe da Bancada do Congresso...

Close