JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kazu pozitivu COVID-19 iha Díli identifika tan 13, atuál baixa 48

Kazu pozitivu COVID-19 iha Díli identifika tan 13, atuál baixa 48

Kazu pozitivu COVID-19 iha Díli, loron Tersa (09/03/2021) identifika tan na’in 13, ne’ebé alastra ona ba Hospital Nacionál Guido Valadares (HNGV) afeta ona ba médiku ida ho nia oan na’in  rua (2) konfirmadu pozitivu, inklui kazu sia (9) mai hosi funsionáriu administrasaun SEFPOFE, no na’in ida (1)  mai hosi komunidade Bebonuk, total kazu atuál baixa iha izolamentu Tasi-Tolu hamutuk nain 48.

Liuhosi konferénsia imprensa, Vise-Koordenadora Forsa-Tarefa ba Prevensaun no Mitigasaun Surtu Covid-19 iha Timor-Leste, CIGC-SS), Odete da Silva Viegas, relata katak hafoin deteta kazu foun rua iha bairru BTN II, Tasi Tolu, Suku Madohi, Postu Administrativu Dom Aleixo, ekipa konjuntu saúde buka-tuir nafatin kontaktu-besik hosi kazu rua refere, no hosi ezersísiu hatudu SIJK deteta tan kazu konfirmandu na’in 9, no deteta tan sidadaun kazu na’in tolu pozitivu hosi Hospital Nasionál Guido Valadares (HNGV), kompostu hosi médiku ida ho nia oan na’in rua, kazu hanesan ida mai hosi Bebonuk, no na’in 9 mai hosi SEPFOPE, katak kazu foun ba iha loron Tersa 09/03 deteta hamutuk 13 .

“Progresu hosi ezersísiu ne’ebé halo iha BTN II, Tasi Tolu Suku Madohi, ohin horiseik Tersa 09/03 ekipa konjuntu deteta tan kazu foun 9 hosi kontaktu-besik ho kazu, hosi sidadaun ne’ebé nu’udar funsionáriu administrasaun públika iha SEFOPE, no kazu tolu ita deteta profisionais saúde ida ho nia oan na’in rua no nia iha HNGV, sira hetan pozitivu ho relasaun ho kazu pozitivu ne’ebé nia kaben halo kontaktu ba, maibé nia kaben liu hosi teste rezultadu negativu,” Odete informa ba jornalista sira iha SIJK, Tersa (09-03-2021).

Odete Viegas hatutan, hosi restreiu ne’ebé besik kontaktu katak ho profisionais saúde nia kaben halo duni kontaktu ho kazu pozitivu ne’ebé relasaun hosi kazu SEPFOPE .

Lee hotu :   AETL HALA’O MISA AÇÃO DE GRAÇA

“Alende kazu HNGV ita mós deteta sidadaun na’in 9 maka pozitivu, ba iha kazu Bebonuk nian ne’ebé relata iha loron 8 fulan Marsu, ekipa halo kedas restreiu no rezultadu na’in ida pozitivu Covid-19”.

“Kazu pozitivu ne’ebé maka deteta iha Bebonuk aldeia Metin 4 iha loron 8 fulan Marsu, hosi kazu nee mós ekipa konjuntu Saúde halo kedas restreiu, hosi rezultadu restreiu ne’e deteta kazu konfirmandu pozitivu Covid-19  ida”,afirma Odete.

Nia dehan, Governu Timor-Leste to’o ohin loron konsege kontrola kazu Covid-19,no seidauk iha ema ne’ebé mak mate no  moras grave,  nee hatudu susesu ida ne’ebé mak di’ak tebes ba Timor-Leste no mós ba povu tomak.

“Ita presiza kontribuisaun koletivu ida atu nune’e ita bele hapara transmisaun lokál iha ita-nia rai-laran, husu mós ba entidade hotu-hotu populasaun ka komunidade atu bele kumpri medida prevensaun Covid-19”.

“Husu ba populasaun iha Díli laran tomak atu nafatin kalma, lalika pâniku, hela de’it iha uma bainhira laiha nesesidade atu halo movimentu bá-mai, prátika nafatin medida ne’ebé ema hotu hatene ona, uza máskara, fase liman bebeik ho sabaun ka dezinfetante ruma, bainhira  kumprimenta malu, la presiza kaer-liman, bensa-liman, rei-malu ka hakuak malu”, Odete alerta.

Enkuantu ba iha, atividade restreiu seletivu masa horisehik 08 fulan Marsu amostra ne’ebé ekipa foti hamutuk 471. Hosi SEFOPE amostra ne’ebé rekolla hamutuk 28, Ministériu Transporte no Komunikasaun 137, TIC 46, Bebonuk 51, Ministériu Finansas 82, Ospitál Nasionál 3 no Gabinete Primeiru-Ministru 124.

“Ohin, ekipa konjuntu saúde kontinua nafatin buka tuir kontaktu-besik iha SEFOPE, MTC, HNGV no mós Bebonuk. Ita hein rezultadu iha loron hirak tuir mai”,tenik Odete. eni

Lee hotu :   Vigararia Díli entrega illas Na’in Feto ba Vigararia Díli Leste no Oeste

Add to Comments Here!!!!

error: Content is protected.
Secured By miniOrange
You might also like:
Deskonfia grupu Naimori ameasa família Arnaldo

Família Arnaldo Mendes Ribeiro, hetan ameasa...

PNTL sei blokeia komunidade husi Munisípiu mai kapitál Díli

Polísia Nasionál Timor-Leste (PNTL) Munisípiu Díli...

Konsidera privatiza PNTL ba interese partidária, CNRT husu PM Taur ezonera VMI

Vise xefe bankada CNRT, deputadu Gabriel...

Close