JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Médiku Hemodiálise tama kuarentena, vida pasiente 98 ameasadu

Médiku Hemodiálise tama kuarentena, vida pasiente 98 ameasadu

 

Pasiente fase-ran 98 iha Ospitál Nasionál Guido Valadares (HNGV-Sígla Portugés) nia vida ameasadu, tanba médiku ne’ebé atende sira, dadaun ne’e kumpri hela kuarentena loron 14.

Médiku sira ne’e kumpri kuarentena, tanba ekipa konjuntu saúde Munisípiu Díli identifika iha médiku na’in rua, pozitivu Covid-19.

Pasiente Octávio dos Santos, esplika, iha pasiente balun kada semana, fase ran dala rua, no balun dala tolu, tuir tipu moras ne’ebé iha, maibé dadaun ne’e pasiente sira ne’e fase ran tenke paradu.

“Ami iha ne’e balun grave, balun problema pulmaun, tanba bee nakonu iha pulmaun presiza atu dada bee ne’e para moris, maibé kuandu la dada bee mak kada loron ba loron entaun kondisaun pior. Infermeiru team ikus ne’e atu ba kuarentena tan, ami konta infermeiru iha ne’e laiha, horiseik ho ohin kuaze hemodialisa la la’o, odamatan taka total. Imajina 14 dias ne’e mak ami la fase ne’e, ami nia kondisaun hanusa” hateten Pasiente Hemodialisa, Octavio Dos Santos, iha HNGV-Díli (18/03).

Situasaun ne’e halo pasiente sira preokupa, tanba dadaun ne’e sira labele ona fase-ran diária, tuir oráriu ne’ebé iha, nune’e fó perigu ba sira nia vida.

“Ne’ebé ami husu ba na’i-ulun sira atu oinsa buka solusaun atu ami bele fase ran, tanba ne’e ami nia mate badak. Oinsa mak sira bele prepara fatin mai ami, agora infermeiru mak ba tiha hotu kuarentena, ami fali hanusa, ami hein to’o 14 dias bee nakonu ona ba ami nia pulmaun ami tenke mate” husu pasiente Faviola Barreto de Araújo.

Tuir dadus ne’ebé GMN hetan asesu, profisionál saúde ne’ebé fó atendimentu ba pasiente fase-ran, hamutuk 22, no husi númeru ne’e na’in 2 mak identifikadu pozitivu Covid-19, nune’e médiku sira seluk mós tenke kumpri protókolu saúde nian hodi ba kuarentena.

Lee hotu :   MS fó tratamentu gratuita pasiente Aimutin

To’o notísia ne’e publika, GMN tenta konfirma ho Diretór Klínika HNGV, Flávio Brandão, maibé okupadu ho servisu. San

 

Add to Comments Here!!!!

error: Content is protected.
Secured By miniOrange
You might also like:
Kombate COVID-19, kumpri regra OMS ho MS no vasina

Primeiru Ministru, Taur Matan Ruak, hatete...

PM-PR la hakfodak ho moras COVID-19

Primeiru Ministru (PM), Taur Matan Ruak...

Taur fó obrigadu ba Rui Castro ne’ebé sadik PM

Primeiru Ministru, Taur Matan Ruak fó...

Close