JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Nova Zelándia apoia ekipamentu protesaun pesoál COVID-19 ba TL

Nova Zelándia apoia ekipamentu protesaun pesoál COVID-19 ba TL

Governu Nova Zelándia, apoia ekipamentu protesaun pesoal  Covid-19 nian ba Governu Timor-Leste (TL), hodi kombate COVID-19  iha nasaun ne’e.

Ekipamentu kombate COVID-19 ne’e, to’o iha Aero Portu Internasional Prezidente Nicolau Lobato, Tersa (23/03), ho aviaun  ROYAL NEW ZELAND AIR FORCE, iha dader tuku 9:55 Otl.

Embaixador Nova Zelánda iha Timor-Leste, Philip Hewitt, hatete  Governu Nova Zelandia nia apoiu ne’e, atu tulun Governu Timor-Leste, hodi kombate surtu COVID-19 ,tamba númeru COVID-19 iha Timor, loro ba loron aumenta ba bebeik.

Embaixador ne’e esplika Governu Nova Zelandia iha komitmentu nafatin hodi fó apoiu ba Governu Timor-Leste nune’e bele responde ba situasaun COVID-19 iha Timor-Leste (TL).

“Nova Zelándia sente orgullu hodi parseiru ho Governu Timor-Leste (TL), hodi apoiu atu responde ba COVID-19  durante COVID-19 aumenta , Nova  Zelandia pronto atu kontinua atu apoiu ba Timor-Leste”,  hatete Philip Hewitt, ba Jornalista sira iha Aeroportu Internasional Prezidente Nicolau Lobato hafoin entrega ekipamentu protesaun COVID-19 ba Governu TL.

Iha oportunidade nee, Ministra Negósiu Estranjeiru no Kooperasaun, Adaldija Magno hato’o agradesementu  ba Governu Nova Zelándia, tamba ekipamentu  protesaun pesoál ne’e,  mai iha situasaun COVID-19 ne’ebé Timor-Leste  hasoru.

Adaldija Magno,  hatete, apoiu Governu Nova Zelándia ne’e, laos foin Timor hasoru situasaun Covid-19, maibe desde iha tempu resisténsia to’o ohin loron.

“Doasaun ne’e mai iha tempu ne’ebé oportunu tebes, ita iha situasaun ida que komplikadu oituan, tamba ita iha transmisaun lokál lubuk ida, ita tenki agradese Governu  New Zeland ne’ebe mak prontu atu ajuda ita iha tempu saida de’it, liu-liu iha tempu susar nia laran, sira ajuda ita laos iha tempu agora ne’e de’it, maibe uluk kedas iha tempu resistensia no tranzisaun ONU nian  no mos to’o ohin loron, ita kuandu presiza”,dehan  Ministra Negósiu Estranjeiru no Kooperasaun.

Lee hotu :   Governu sei fó subsídiu ba traballadór no empreza privada

Iha fatin hanesan Diretór Ezekutivu SAMES ,Santana Martins, hatete, ekipamentu hirak ne’ebé  sira transporta ona ba armajen sentrál no sei halo rejista hodi hatene ba kuantidade no nia item sira  hafoin halo distribuisaun bazeia ba pedidu ne’ebe mai husi fasilidade saúde sira.

“Termonolojia aimoruk ho produtu medikus aimoruk ne’e liga ba aimoruk duni, maibe ida ne’e apoiu ekipamentu protesaun pesoál ne’ebé mak fó mai hodi utiliza ba iha sentru izolamentu sira iha laboratóriu tuir lista ne’ebé mak ita simu”dehan Diretór SAMES.

Ekipamentu protesaun pesoál sira nee maka máskara, luvas, face shield  no materiál seluk kona-ba lixu mediku fatin  no mos materiál balu kona-ba swab nian, maibe ninia kuantidade hira nee maka sei verfika hela hodi hatene kuantidade lolos. Tos

Add to Comments Here!!!!

error: Content is protected.
Secured By miniOrange
You might also like:
KTAOX : Vingansa polítika prejudika dezenvolvimentu nasionál

Konseileru Maximu Klibur Tane As Obra...

Governu distribui foos fuhuk ba estudante UNDIL ne’ebé hela iha kost

Estudante Universidade Díli (UNDIL), triste tanba...

Olinda dezafia deputadu sira ko’a saláriu 50% ba estudante sira

Deputada bankada KHUNTO, Olinda Guterres liuhosi...

Close