SJIK ho embaixadór RI diskute mekanizmu prevensaun COVID-19 iha fronteira

Ekipa Sentru Integradu Jestaun Krize (SJIK) hamutuk ho Embaixadór Repúblika Indonézia (RI) iha Timor-Leste (TL), ho nia ekipa, diskute mekanizmu prevensaun COVID-19, liu-liu movimentu ilegál iha liña fronteira.

Koordenadór Estadu Maior Sala Situasaun Sentru Integradu Jestaun Krize, Komodoro Komandante Donaciano Costa Gomes ‘Pedro Klamar Fuik’, informa, enkontru embaixada Indonézia nian, ho SJIK diskute asuntu kona-ba prevensaun ba movimentu ilegál, iha fronteira nasaun rua ne’e.

Alénde ne’e, ko’alia mós asuntu kona-ba abastesimentu lojístika, hodi transporta sasán merkadoria, no troka motorista iha fronteira Batugade no Mota Masin.

“Ita haree fila-fali ba situasaun agora kombate Covid-19 ne’e, preokupasaun  boot ida maka sala situasaun iha para atu bele prevene kualker transmisaun ne’ebé tama husi fronteira mak tenke haree fila-fali, oinsá maka bele koalia ho autoridade husi parte Indonézia nian para kontribui mós bele limite tiha pasajen ka travesia ilegais ne’ebé maka akontese iha fronteira”,hateten Pedro Klamar Fuik, hafoin remata sorumutu iha Ministériu Negósiu Estranjeiru no Kooperasaun (MNEK), Segunda (22/03).

Embaixadór Indonézia iha Timor Leste, Sahat Sitorus, hateten, sorumutu ne’e atu haree kestaun kontrolu ba movimentu ilegál iha fronteira, nune’e bele kombate tranzmisaun Covid-19.

Diplomata Indonézia ne’e husu Governu atu trasa oráriu fiksu, kona-ba troka kondutór iha fronteira, nune’e bele hametin di’ak liu tan ekonomia iha rai rua.

Alénde asuntu fronteira, diplomata ne’e mós aprezenta kona-ba, governu Indonézia nia apoiu ba, estudante Timoroan ne’ebé Kitas remata.

Maibé reprezentante Estadu Indonézia, iha Timor-Leste ne’e, husu estudante sira, koopera ho Estadu Indonéziu hodi rezolve lalais. San