JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

APSTL lamenta aktu kriminál hasoru pesoál saúde sira ■ Kuarentenáriu Suai deklara la baku pesoál saúde

APSTL lamenta aktu kriminál hasoru pesoál saúde sira ■ Kuarentenáriu Suai deklara la baku pesoál saúde

Asosiasaun Profisionál Saúde Timor Leste (APSTL) lamenta ho aktu kriminál akontese ba pesoál saúde sira ne’ebé hala’o nia profisaun, tanba ne’e ezije ba Governu atu foti posizaun ne’ebé sériu ba aktu refere, nune’e bele garante seguransa no proteje nafatin profisionál saúde sira hala’o knaar ho di’ak.

Prezidente Asosiasaun Enfremeiru Timor-Leste (AETL), José Dionísio Ximenes, hateten, aktu kriminál hanesan agresaun fíziku hasoru profisionál Saúde iha Munisípiu Covalima ho asédiu sexual no ameasa médiku jerál iha Postu Saúde Laulara, la dignifika no la valoriza pesoál saúde sira nia profisaun.

“Kondena no hakribi agresaun fízika, asediu sexual no ameasa hasoru médikus no pesoál saúde hotu durante ezerse sira nia profisaun. Protesta kontra esklaresimentu hosi entidade balu ne’ebé koko atu defe nde no proteje hahalok brutalismu no premanismu hasoru sidadaun sivíl, liu-liu pesoál saúde iha ninia knar fatin. Tanba ne’e ezije ba autoridade kompetentes atu foti mediatamente medidas legais konkretas, ho maneira objetiva, prefisionál no transparante, hodi husu responsabilidade ba ema ne’ebé halo agresaun fízika hasoru médikus na’in rua ne’e, tuir normas legais ne’ebé aplika iha RDTL“, porta-vos APSTL, José Dionízio Ximenes, hato’o lamentasaun ne’e liuhosi konferénsia imprensa, iha edisífiu AMTL Bidau, Kuarta-feira (21/04/2021).

Iha okaziaun ne’e Asosiasaun refere mós husu ba polítiku sira atu labele halo interferénsia iha servisu profisionál saúde ho polítika ne’ebé la’o iha rai laran.

“Azije ba orgaun soberano (Governu) atu garante seguransa no proteje nafatin profisionál saúde sira durante ha’ao sira nia knar, tuir sira nia profisaun iha territóriu Timor-Leste. No husu ba pólitiku nain sira atu keta kahur servisu profisionál ho polítika iha Timor-leste, no husik profisionál saúde halo servisu tuir siénsia no juramentu ne’ebé sira hala’o ona”.

Lee hotu :   Tusan TL iha Óspital Dr. Soetomo USD 11.000

“Husu mós ba komunidade Timor-Leste laran tomak atu fó konfiansa nafatin ba ami profisionál saúde sira hodi servisu ho profisionál ba ita bo’ot sira hotu”, haklean prezidente AETL.

Nune’e mós APSTL fó tempu loron tolu ba Ministériu Saúde no Ministériu Públiku, atu prosesa lalais kazu krime sira ne’e tuir dalan legal.

Iha oportunidade ne’e APSTL enkoraja nafatin pesoál saúde sira atu hatudu nafatin servisu ho profisionál, labele lakon espíritu no vontade, maibé hala’o knar sagrada ne’e hodi servi povu Timor Leste ho imparsialidade, transparánsia no independente.

Agresaun fízika hasoru profisionál saúde akontese iha Munisípiu Covalima, iha loron 19 fulan fulan Abril, no asédiu sexuál no ameasa médiku jerál akontese iha Postu Saúde Laulara, iha loron 20 fulan Abril ne’e.

Kuarentenáriu Suai deklara la baku pesoál saúde

Nune’e mos, estudante sira ne’ebé kumpri hela kuarentena iha Sentru Kuarentena Polo, Aldeia Tabaku Loot, Suku Debus, Postu Administrativu Suai Villa, Munisípiu Covalima, rejeita informasaun sira ne’ebé espalla iha públiku katak, médiku Juvelino Deogratia Cardoso de Jesus hetan kanek, tanba baku husi estudante sira.

Octaviano Francisco Viegas Soares, hateten, momentu akontese ne’e, estudante hotu iha kuarentena-laran, no taka hotu odamatan no janela sira, nune’e la fó espasu ba pessoal saúde sira, atu evakua estudante ne’ebé rezultadu teste pozitivu.

Mesmu sira ne’ebé rezultadu teste PCR rezultadu hatudu pozitivu, maibé nia kontaktu sira hatudu negativu.

“Ami la satisfas katak, pozitivu bele sai fali negativu, no negativu bele sai fali pozitivu” hateten Porta-Voz Octaviano Francisco Viegas Soares, ba Radio Komunidade Cova Taroman Tersa (20/04), iha sentru Kuarentena Polo.

Lee hotu :   PR husu Governu implementa lalais vasina AstraZeneca

Octaviano esplika, kronolojia lolos ne’e katak, pesoál saúde sira momentu ne’ebá obriga-an, tama iha sala kuarentena nian, maibé odamatan no janela xave hotu, nune’e sira obriga-an, loke vidru janela nian, nune’e ikus mai vidru monu rahun, hodi rezulta pesoál saúde ne’e kanek.

“Pesoál saúde sira ne’e mai obrigatóriu loke vidru ne’e, signifika katak sira loke sa’e vidru ne’e entaun vidru ne’e monu rasik, no vidru ne’e monu rahun mak kona nia hetan ran. Tanba ne’e ami haree media sira fó sai katak estudante mak baku ne’e, kronolojia ida ne’e lalos ida” konfirma estudante ne’e.

Maibé profisionál saúde, Juvelino Deogratia Cardoso de Jesus rekoñese, kanek ne’ebé nia hetan, kauza husi vidru rahun, wainhira akontese dezentendimentu, estudante ho ekipa saúde sira.

No komandante PNTL Munisípiu Covalima deklara ona katak, PNTL sei loke prosesu investigasaun, hasoru estudante ne’ebé halo asaun kontra ekipa saúde, ne’ebé rezulta médiku ida hetan kanek. Eni/San

Add to Comments Here!!!!

error: Content is protected.
Secured By miniOrange
You might also like:
CNRT prefere redus osan gabinete VPM rua, PM Taur la simu

Primeiru Ministru (PM), Taur Matan Ruak,...

Seidauk simu sesta bázika, Komunidade Suku Madohi: Ami la’ós Estadu nia povu

Komunidade Aldeia Naroman, Suku Madohi, Postu...

Apoia umanitária husi Austrália to’o ona Timor-Leste

Aviaun Qantas ne’ebé tula sasán apoia...

Close