JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Eskola hitu iha Díli kondisaun grave kauza husi DN

Eskola hitu iha Díli kondisaun grave kauza husi DN

Eskola hamutuk 27 iha kapitál Díli, no husi eskola hirak ne’e afetadu husi dezastre naturál (DN) iha eskola hitu mak kondisaun grave.

 “Ha’u halo vizita ba eskola sira ne’ebé afetadu ba dezastre naturais, halo ami hanoin se eskola hetan estragu hanesan ne’e, estudante sira sei hasoru problema bo’ot tanba eskola lubun mak afetadu ba dezastre naturais”, dehan Diretór Edukasaun Munisípiu Díli, Duarte Nunes, ba JN-Diário, Sesta (23/04/2021), iha Manleuana, Díli.

Diretór ne’e hatutan, atu dehan eskola afetadu maka’as ka natón iha eskola hamutuk 27 iha Munisípiu Díli, maibé hosi númeru 27 ne’e iha 7 mak grave no eskoka 7 ne’e mak Eskola Bázika Filial Balibar, ne’ebé afeta maka’as tanba tinan kotuk eskola ne’e afetadu no agora mós afetadu tan.

Tuir fali mak eskola EBS, Manleuana, iha ne’ebé eskola refere sai ona mota-dalan, tanba moru ne’ebé sátan eskola monu hotu, hodi halo bee tama to’o eskola-laran no lori hotu kadeira no meza. Tanba ne’e atu rezolve problema ne’e parte infraestrutura bele haree kondisaun eskola nian, afirma Duarte Nunes.

Nia subliña, tuir tan mak eskola EBF Kasanafar tanba rai taka tomak eskola no hela deit eskola nia uma kakuluk, no ida tan mak eskola ida iha Beduku ne’ebé mos rai tama hotu eskola-laran. Alende eskola rua ne’e, iha mós Eskola Bázika Filial iha Kadabunak, ne’ebé iha foho-leten ne’ebé rai-halai halo eskola refere atu monu.

“Eskola Bázika Sergio Viera de Mello mós kondisaun hanesan, tanba moru eskola monu kuaze metru 30 resin no moru refere kontribuisaun hosi inan-aman mak halo no ikus liu mak eskola Secundário 5 de Maio, Becora, ne’ebé mota sobu hosi komunidade nia uma hodi halo moru eskola monu no bee tama to’o eskola laran”,dehan.

Lee hotu :   Longuinhos Armando: Idade 60 mak bele foti subsídiu seguransa sosiál

Agora ba eskola 20 ne’ebé kondisaun ladun grave hanesan, tahu-tama kauza husi bee tama eskola-laran, entaun eskola sira ne’e Diretór sira mak orienta profesór sira atu hamoos rasik, no Diresaun  Nasionál Asaun Sosiál Eskolar Ministériu Edukasaun  sei halo limpeza jeral ba eskola sira ne’ebé afetadu hosi dezastre naturál.

“Ministériu sei husu apoiu ba iha entidade kompetente, atu halo sira-nia kna’ar hodi fó apoiu ba hadia eskola sira ne’ebé afetadu. Ami hato’o dadus eskola afetadu sira ba Diresaun Jerál Infraestrutura atu depois bele haree-tok, oinsa atu hadia hikas eskola sira estragu totál no orsamentu atu hadia eskola sira, nia montante bele dehan bo’ot”,subliña.Fel

 

Add to Comments Here!!!!

error: Content is protected.
Secured By miniOrange
You might also like:
PM Taur husu Timor-oan hotu hamutuk hasoru dezafiu sira

Primeiru Ministru (PM), Taur Matan Ruak,...

Bancada do CNRT considera vacina AstraZeneca insegura

Os deputados da bancada da oposição...

MD garante semana oin estrada diresaun embaixada Xina bele utiliza

Kompañia Montana Di’ak (MD), reabilita estrada...

Close