JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Família matebian Olga Mendonça prontu tuir swab test ■Agradese ba MS no Xanana

Família matebian Olga Mendonça prontu tuir swab test ■Agradese ba MS no Xanana

Natalino Corte-Real nu’udar matebian Olga Mendonça nia oan-mane, hatete, família matebian hotu prontu koopera ho Ministériu Saúde hodi tuir swab test karik presiza.

“Ami prontu koopera ba tuir swab”, dehan Natalino Corte-Real, oan mane husi matebian Olga Mendonça ba jornalista sira Sesta (23/04/2021), iha Simitériu, Bekusi, Díli, hafoin Sentru Integradu Jestaun Krize  entrega mate-isin Olga Mendonça ba família matebian, maibé nafatin tuir regra protokolu sira  husi Organizasaun Saúde Mundiál no Ministériu Saúde nian.

Ekipa saúde transporta mate-isin refere husi sala izolamentu Verra-Cruz ba matebian nia rezidénsia, iha  Teca-Laran, Suku Lahane Osidentál, Postu Administrátivu Verra-Cruz, Munisípiu Díli,  hodi família bele fó sentidu kondolénsia,  molok ba hakoi.

Nia mos preokupa tanba iha família matebian balun hiit hotu kaixaun Olga Mendonça ninian ne’ebé la uza fasilidade protesaun COVID-19 kompletu.

“Ami sente hanesan susar oituan ba ami, ita atu tau moras ida COVID-19 ne’e risku ba ita, tuir loloos labele, maibé situasaun hanesan ne’e tuir loloos família labele tama  tuir protokolu Ministériu Saúde nian  família labele besik, maibé ohin besik”,esplika  Natalino Corte-Real.

Mate-isin ne’e haloot husi médiku sira, tuir protokolu orgnizasaun saúde mundiál, ne’ebé akompañia  husi misa requem, ne’ebé prezide husi Amu Angelo Salsinha, partisipa husi família matebian sira.

Nia hateten, família matebian sira sei koopera ho ekipa saúde, se wainhira haruka hala’o teste swab.

Natalino Corte-Real mos agradese ba líder karismátiku, Kay Rala Xanana Gusmão, ne’ebé apoia ona kaisaun ba matebian Olga hodi haloot ho dignu, no mos ba Ministériu Saúde.

Matebian Olga, hakotu iis iha Sala Izolamentu Verra-Cruz, Kinta (22/4/2021), mais ou menus tuku ualu  dadersan oras Timor-Leste ho COVID 19 no moras tensaun no pulmaun.

Lee hotu :   Estafeta Lú Olo hakotu iis no halót iha semitériu públiku Bekusi

Alende ne’e tuir observasaun GMN iha terrenu nota katak, durante transporta mate-isin refere,  hetan akompañiamentu husi membru Polísia Nasionál Timor-Leste.avi

 

Add to Comments Here!!!!

error: Content is protected.
Secured By miniOrange
You might also like:
PN aprova subsídiu propinas ba estudante sira

Parlamentu Nasional (PN) kinta lesjilatura aprova...

KI nota kualidade jornalízmu TL hahú tun

Rezultadu monitorizasaun Konsellu Imprensa Timor Leste...

Governu presiza fleksibilidade iha rekuperasaun infraestrutura

Primeiru Ministru, Taur Matan Ruak, konsidera...

Close