JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MEJD husu PNTL kaptura estudante la uza máskara

MEJD husu PNTL kaptura estudante la uza máskara

Ministériu Edukasaun  Juventude no Desportu (MEJD) husu Polísia Nasionál Timor-Leste (PNTL) atu kaptura estudante sira ne’ebé mak la  uza máskara no la mantein distansiamentu  sosiál.

Diretór Jerál Ensino  Sekundáriu  Ministériu Edukasaun  Juventude Desportu Deolindo da Cruz hateten, estudante sira iha kapitál Díli hahú  husi Ensino Báziku to’o Ensinu Sekundáriu  tantu públiku no privada iha Segunda (19/04//2021)   hahú tama  eskola  hodi foti materia husi profesores atu bele estuda iha uma, maibé tuir observasaun Ministériu Edukasaun  Juventude Desportu, estudante barak la  kumpri  ba regra serka sanitária.

Polísia Nasional Timor-Leste (PNTL), iha Kuarta hala’o sosiálizasaun  ba iha Eskola Sekundária 4 de Setembro  no Eskola Tékniku Vokasionál no 5 de Maio Bekora hodi  husu estudante sira uza máskara no mantein distansiamentu sosiál.

Tanba ne’e iha Kuarta (28/04/2021) Diretór Jerál Ensino  Sekundáriu  Ministériu Edukasaun  Juventude Desportu Deolindo da Cruz  reprzentante  husi Ministériu Edukasaun Juventude no Desportu akompañha ho PNTL hala’o sosiálizasaun  ba iha Eskola Sekundáriu Kuatru de Setembru  no Eskola Tekniku Vokasionál no Ensino Sinku de Maio Bekora hodi  husu estudante sira  uza máskara no mantein distánsia sosiál.

Ba  oin estudante la kumpri Diretór Jerál Ensino  Sekundáriu  Ministériu Edukasaun  Juventude Desportu Deolindo da Cruz   husu PNTL atu kaptura hodi loke prosesu investigasaun

“Ami koordena  ho PNTL  para  ita-nia PNTL  sira halo monitorizasaun  regular, dadersan iha tempu ne’ebé mak sira atu  foti sira-nia sumáriu sira ne’e,  se estudante sira la kumpri,  eskola sira  ne’e la fó orientasaun lolos  ba nia estudante sira , eskola mós ita sei suspende. Eskola ne’ebé mak kumpri bele kontinua hala’o sira nia aktividade nafatin, maibé mantein distánsia sosiál. Se Estudante la kumpri la autoriza sira mai foti materia depois PNTL  sei bolu sira fó sansaun  karik  ba 72 jam depois sira kumpri nafatin regras sira ne’e”,esplika Diretór Jerál Ensino  Sekundáriu  Ministériu Edukasaun  Juventude Desportu, Deolindo da Cruz, ba  jornalista sira hafoin hala’o sosializasaun ba estudante sira.

Lee hotu :   Khunto Preokupa TL laiha profesionais ba saude mental

Alende ne’e Komandante PNTL Munisípiu Díli Superintendente Xefe Henrique da Costa, promete sei foti medidas ba estudante ne’ebé  mak la kumpri ba regra serka sanitária.

“Ita labele konsidera COVID-19 hanesan buat halimar hanesan buat bain-bain, maibé  ita akompañha katak surtu COVID-19 impaktu tebes ba nasaun barak iha mundu, ita akompañha katak  iha India  hetan impaktu maka’as tebes, entaun husu ba  ita hotu atu tau aténsaun konsiderasaun atu nune’e  nafatin kumpri regras ne’ebé mak  Organizasaun Mundiál Saúde fó sai para nune’e  ita hakotu korente surtu COVID-19.   Fo-foun  ita ba esplika depois mak  ita foti medida sei lori mai halo asaun ruma  hodi halo identifikasaun”,dehan Henrique da Costa.

Tuir  observasaun  GMN  iha Eskola Kuatru de Setembru Balide, maske  iha eskola prepara fatin ba fase liman maibé laiha bee moos.avi

Add to Comments Here!!!!

error: Content is protected.
Secured By miniOrange
You might also like:
Horta husu PR bolu líder nasionál no Igreja hamutuk kombate COVID-19 iha TL

Laureadu Nobel da Paz, José Ramos...

EE da-XIII aprovadu, PN husu Governu esforsu prevene situasaun grave

Parlamentu Nasionál (PN) kinta lejislatura aprova...

Eis PR Horta: Governu tenke estuda didiak implementa EE

Eis Prezidente Repúblika (PR), José Ramos...

Close