PN aprova subsídiu propinas ba estudante sira

Parlamentu Nasional (PN) kinta lesjilatura aprova ona proposta ne’ebé aprezenta hosi Prezidente komisaun C, Maria Angélica Rangel,  hodi selu propinas ba estudante universitáriu sira durante tinan 1 nian ho trimestre II.

Proposta ho númeru 12 ne’e passa iha diskusaun faze espesialidade  ho votu afavor 41, kontra 0 no abstensaun 22.

Propinas ne’e Governu sei seu direita ba kada universidade privada no públiku,  tuir presu ne’ebé universidade aplika kada trimestre.

Ministru Ensinu Superior no Siensia no Kultura, Longuinhos dos Santos hateten,

“Estudante ne’ebé rejistadu atu hetan livre pagamentu ba propinas ne’e,  ita tau $150 dólar ba fulan 6 iha primeira trimestre ne’e iha tinan ne’e. Maibe fó biban mós ba subsidíu propinas ne’e ba trimestre segunda nian, ho montante ne’ebé hanesan, kuandu situasaun ida ne’e kontinua suspende ensinu aprendizajen. Ita halo pagamentu ne’e direita ba universidade sira,  nune’e atu bele identifika estudante hira mak livre iha teoria ona, ne’e tenke diferente. Ezemplu hanesan UNTL iha $30 dólar pôr trimestre, kuandu livre teoria nia hetan $5 dólar por mês. Ba estudante sira ne’ebé mak selu liu ona propinas ba trismetre primeiru nian, hosi fulan Janeiru to’o Junhu,  husu universidade sira sei devolve hikas ba estudante sira. Iha proposta lei ne’e mós regula hotu ona regras sira ne’e, liu-liu hatúr ona iha diploma ministerial, ba sira ne’ebé bolseiru no sira ne’ebé drop out seila hetan subsídiu ne’e.”esplika governante ne’e iha diskusaun OR faze espesialidade, Sesta (23/04/2021).

Alénde ne’e Parlamentu mós aprova proposta kona-ba atu fornese internet gratuita durante fulan tolu, ho kada fulan Folin $10 dólar.

Proposta ba distribuisaun pulsa ba estudante sira ne’e passa ho votus a favor 41, kontra 2, no abstensaun 19. Say

Leave a Reply

Your email address will not be published. Required fields are marked *