JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sérgio Lobo: Mate-isin COVID-19 bele hakoi iha kualker fatin

Sérgio Lobo: Mate-isin COVID-19 bele hakoi iha kualker fatin

Eis Ministru Saúde, Doutor Sergio Lobo, hatete, mate-isin COVID-19 bele hakoi iha kualker fatin, bainhira mate isin tau ona iha saku no kaisaun ne’ebé seguru, tanba virus refere nia transmisibilidade ladun maka’as.

“Ha’u-nia opiniaun pesoal hanesan sientista no médiku, tuir protokolu sira hamoos mate-isin ho diak no hatama ona iha saku no kaisaun seguru, mate isin bele hakoi iha kualker rate tanba virus corona laos virus ebola”,dehan Sergio Lobo, ba Jornalista sira Segunda (13/04/2021) iha Bidau, Díli.

Doutór ne’e afirma, virus ébola oinsa seluk nia líkidu sira bele transforma ébola ba fatin hotu, maibé Covid maske pasiente mate oras ida ona no virus refere sai, maibé nia transmisibilidade ladun maka’as.

“Entaun hanesan ha’u dehan, mate-isin Covid kuandu hadia no hamoos ho diak tuir prosedimentu protokulares aplika ba tratamentu mate-isin, laiha posibilidade virus ne’e atu transmite tanba mate hatama ona iha saku no kaisaun ne’ebé seguru, família bele ba besik mate-isin ho distansia”,

Tanba ne’e pasiente ne’ebé mate tanba Covid bele ba hakoi iha kualker fatin, maibé importante tenke garante, mate-isin tenke seguru no moos inklui tenke garante distansia hodi la halibur ema barak.

“Agora konaba mate isin Covid-19 ne’ebé agora iha Vera-Cruz, ida ne’e mak sei kestionavel oituan konaba, prosedimentu halo’ot mate isin covid-19, tanba tuir lolos pasiente mate tanba Covid-19 bainhira hamos mós, desinfekta no hatama ona iha saku seguru ema bele besik”,dehan.

Doutór Sergio afirma, kuandu pasiente mate ona no médiku sira sei tau hela soru no fiu sira, ida ne’e mak perigozu oituan, tanba ne’e presiza kuidadu bainhira hamoos mate-isin no ida ne’e mak profisional saúde sira la autoriza kualker ema besik mate-isin, nune’e profisional saúde sira mak bele halo tratamentu ba mate-isin hanesan hamoos hodi hatama iha saku.

Lee hotu :   PN : Estudante sira simu rezultadu ezame iha surat tahan

“Mate-isin kuandu hatama ona ba saku, relativamente seguru no família ou ema se deit bele besik no kaer saku, enkuantu laiha kontaktu direta ho mate-isin, laiha problema”.haktuir.

Antes ne’e, iha grande entrevista GMN, iha loron 29, fulan Marsu, Epidemiolojista, Aria Jayanti Tilman, hatete, virus corona presiza selula ne’ebé moris atu nia bele moris, entaun se bainhira ema ne’ebé pozitivu virus refere mate ona, virus Covid mós mate.

“Bainhira ita mate, ita-nia selula mós mate, virus no virus ne’e atu moris hosi ne’ebé? Kona-ba hakoi mate-isin Covid-19 tuir protokolu saúde, ida ne’e medidas ida Governu halo atu hakotu transmisaun iha Timor-Leste”.dehan.Fel 

Add to Comments Here!!!!

error: Content is protected.
Secured By miniOrange
You might also like:
Familia vítima uma kain 40 mak sei hela iha Dom Bosco

Diretór Sentru Formasaun Dom Bosco Komoro,...

PPN: Iha reasaun hafoin simu vasina AstraZeneca

Prezidente Parlamentu Nasionál (PPN), Aniceto Guterres,...

TL rejista tan kazu mate ba COVID-19 na’in ida

Koordenadór Forsa Tarefas Prevensaun no Mitigasaun...

Close