JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana apela ba pasiente COVID-19 hakmatek atu rekupera lalais

Xanana apela ba pasiente COVID-19 hakmatek atu rekupera lalais

Líder karismátiku Kay Rala Xanana Gusmão apela ba pasiente COVID-19 iha sala izolamentu Tasi-Tolu, Díli, atu hakmatek nune’e bele rekupera lalais.

Xanana fó apelu ne’e, hafoin tun diretamente hodi akompaña tékniku sira atu dada sai bee iha Lagoa Tasi-Tolu ne’ebé impaktu husi inundasaun foin lalais hodi estraga komunidade sira-nia uma.

Bainhira halo hela observasaun ba bee dalan ne’ebé dada husi Lagoa, pasiente COVID-19 ne’ebé dadaun ne’e iha hela sala izolamentu Tasi Tolu, sai mai iha moru ninian hodi hakilar ho lian maka’as dehan, “Avo Nana, Avo Nana mai” nune’e ema hotu sai mai haksolok hodi haree Xanana.

Iha pasiente COVID-19 ne’ebé haree Xanana ba hakbesik iha moru sorin, sira hakilar hodi kesar dehan: “Avo Nana, ema sulan ami, ema sulan ami. Ami triste Avo. Ami iha ne’e han toba, han toba, Timor so Avo Nana deit”.

Nune’e líder karismátiku ne’e hakat husi parte tasi hodi hakbesik ba iha deit moru liur hodi dehan ba pasiente hirak ne’e atu aguenta nafatin iha fatin izolamementu nune’e bele rekopera lalais.

“Imi aguenta iha laran, maromak tulun imi sei negativu lalais, rona ‘komunidade sira hatán, rona’”,dehan Kay Rala Xanana Gusmão hodi motiva.

Hafoin ne’e, Xanana hamutuk ho ekipa husik hela fatin ne’e hodi vizita fatin sira ne’ebé afetadu husi inundasaun.

Timor-Leste lansa ona imunizasaun ba vasina COVID-19 foin lalais, no Prezdente Parlamentu Nasionál, Primeiru Ministru, Prezidente Tribunal Rekursu ho membru Governu sira balun simu ona vasina refere iha ne’ebé Timor-Leste prefere liu vasina AstraZeneca.

Vasina AstraZeneca ne’e, iha vizita ne’ebé Kay Rala Xanana Gusmão, halo ba haree vítima inundasaun sira, balun hatete dehan, sira lakohi atu simu vasina AstraZeneca ne’e, tanba tauk. Maske nune’e Governu liu husi Ministériu Saúde hahú kampaña maka’as loos ba povu atu labele tauk simu vasinasaun.Nes

Lee hotu :   Osan laiha, estudante na’in 10 ba hela iha sede RENETIL

 

Add to Comments Here!!!!

error: Content is protected.
Secured By miniOrange
You might also like:
Governu prevé tokon USD 10 responde infraestrutura estragus iha Díli

Vise Primeiru Ministru, José Maria dos...

PN sei finaliza proposta OR iha fulan ne’e nia rohan

Prezidente komisaun C ne’ebé trata asuntu...

EUA apoia osan USD 100.000 ba vítima DN iha TL

Estadu Unidu Amérika (EUA) liuhosi embaixada...

Close