PM husu diplomata sira iha TL tuir hotu vasina

Primeiru Ministru (PM), Taur Matan Ruak, husu ba diplomata sira ne’ebé hala’o nia misaun iha Timor-Leste, atu tuir hotu vasina, hodi prevene-an husi COVID-19.

“Ha’u hasoru Primeiru Ministru katak, ami iha Timor-Leste simu vasinasaun AstraZeneca, ami agradese tebes”,Embaixadora Malázia iha Timor-Leste, Sarimah Akbar hato’o asuntu ne’e, hafoin hasoru malu ho PM, Taur iha nia rezidénsia Faról, Segunda (10/5).

Embaixadora Malázia iha Timor-Leste, Sarimah Akbar, agradese, ba Governu tanba bele fó autorizasaun ba sira atu simu vasina AstraZeneca, hodi kontra surtu COVID-19.

Sarimah Akbar, hateten, Governu husu ona ba diplomata sira hotu atu vasina, hodi bele hamenus transmisaun COVID-19, husi ema ida ba ema seluk, no bele hamenus númeru pozitivu COVID-19 iha Timor-Leste.

Embaixadora Malázia iha Timor-Leste, Sarimah Akbar, esplika, Timor-oan sira ne’ebé hela iha Malázia mós, sei vasina hotu, tamba dala ruma faze tuir mai sidadaun sira ne’ebé presiza vasina sei selu.

Dadaun ne’e Embaixadora Malázia iha Timor-Leste, ho nia funsionáriu na’in 8, simu ona vasina AstraZeneca, husi ekipa pesoál saúde sira.Tos

Leave a Reply

Your email address will not be published. Required fields are marked *