Diretur Jeral Eletrisidade Timor-Leste (EDTL), Virgilio Guteres, hatete, ekipa teknika EDTL sei halo kontrolu ba komsumidor eletrisidade sira iha kapital Díli hodi buka tuir komunidade ne’ebé kontinua dada ahi illegal.
“EDTL sei halo kontrolu ba komsumidores sira iha kapital Díli atu haree komunidade sira ne’ebé sei kontinua dada ahi illegal, no la uza pulsa. Ne’eduni iha prosesu buka tuir ne’e mak kuandu hetan, komunidade balun sei dada ahi illegal mak parte EDTL sei haruka multa tuir regra ne’ebé estabelese ona”, katak Virgilio Guteres ba GMN iha nia kna’ar fatin Caicoli Díli, Tersa (15/01).
Virgilio Guterres haktuir, bainhira Osamentu Jeral Estadu tinan 2019 aprova, sei sosa mákina kria sistema monitorizasaun, nune’e bele identifika di’ak liu komsumedores sira ne’ebé dada ahi illegal.
Tuir Virgilio, durante tinan 2018 nia laran, EDTL hatama ona reseitas milliaun USD 33 ba kofre Estadu, liu husi komsumedores sira sosa pulsa.
Tanba ne’e, Virgilio apela ba komsumidores sira iha kapital Díli atu labele dada ahi illegal, tenki uza pulsa hodi nune’e bele kontribui hodi sosa mina ba EDTL.aba
