GMN TV Sosiedade Governu identifika rai hektare 10 kuda sorgum

Governu identifika rai hektare 10 kuda sorgum

0 views

Sekretaria Estadu Kooperativa identifika rai hektare 10 iha Postu Administrativu Laklo, Munisípiu Manatuto hodi kuda planta sorgum. Sorgum nu’udar planta ida mai husi família duut, hare, batar ne’ebé kontein karbohidrata aas ne’ebé bele konsume no mos bele ba hahan animal.

Nune’e iha iha Tersa (15/01/2019) Sekretariu Estadu Kooperativa, Arsenio Pereira da Silva, Vise Ministru Administrasaun Estatal, Abilio José Caetano, akompaña mos Prezidenti Autoridade Munisípiu Díli, no Eis Ministru Administrasaun Estatal, Tómas Cabral ne’ebé hanesan Manatuto oan.

Objetivu entidade Governu tun dereita ba tereno ne’e hodi haree dereitamente rai iha fatin refere hodi nune’e iha tempu barak bele realiza ona planu Governu nian.

“Iha tinan 2019 ne’e, programa ne’ebé iha li-liu programa Kooperativa produsaun integradu, li-liu ba iha produsaun sorgum, tanba hau haleu ona iha Munisípiu hotu, iha area lubuk ida maka hau haree, maibe presiza haree katak halo ne’e barak kedas. Klaru katak kamponeze sira iha, mas la’os hamutuk iha fatin ida deit, entaun ami mai vizita hodi haree deretamente fatin ne’e, depois rai nain sira ami sei koalia hodi nune’e haree hamutuk hodi kuda sorgum ne’e halo barak kedas, kesi integradu ho karau no bibi kuandu iha produto ona”, hateten, Sekretariu Estadu Kooperativa, Arsenio Pereira da Silva ba Jornalista sira iha Fatubela, Laklo, Munisípiu Manatuto.

Governante ne’e kompromete katak, iha tinan 2019 sei halo lansamentu ba produtor sorghum.

“Hau iha komprimisiu ona katak, iha tinan 2019 sei halo lansamentu husi sorgum, tanba husi sorgu ne’e sei halo sai fali dosi, no tan hahan seluk. Tanba hau la’o iha fatin barak ne’ebé maka. Governu sei hamutuk ho Kooperativa sira atu kuda sorgum barak, ne’ebé targetu mai iha fatin ne’e 10 hektare. Rai ne’e ami haree tetuk los deit, maibe presiza atu haree hodi halo diak liu tan, ne’ebé tenke ho makina, hau nia planu maka hau sei haree fila fali, mesmu orsamentu seidauk aprova, mas hau sei kopera ho parseiru balu hodi haree hamutuk, no atu realiza planu ne’e hamutuk ho Ministériu ne’ebé relevante hanesan Ministério Agrikultura no Peskas”, dehan nia.

Relasiona ho rai komunidade nian, Governante ne’e esklarese, Governu sei fo oportunidade barak liu ba komunidade sira nune’e komunidade mos bele senti benefisiu husi programa Governu nian.

“Rai ne’e komunidade nian, ne’ebé Governu maka uja, katak Governu la’os kompañia, ne’ebé ninia benefisiu sei ba komunidade, li-liu sira ne’ebé involve an hanesan Kooperativa. Tanba ami nia objetivu ne’e absolve dezempregu, no rai potencial tenke reforma sai produtivo, objetivu seluk maka atravessa ida ne’e bele hamosu kresimentu ekonómiku”, dehan Arsenio.

Nia hatutan kona ba fini nia kontantu ona ho parseiro sira husi Indonesia hodi, dadaun ne’e iha fini hamutuk kilograma 500, ne’ebé bele kuda ona. Planu ba implementasaun iha Janeiro tinan 2019.

Komunidade Prontu atu oferese rai no servisu hamutuk ho Governu, importante programa ne’e iha benefisiu ba sira.

“Ami simu informasaun katak atu kuda produto ne’e iha natar laran, maibe boot sira mai fali dehan hare rai iha foho, ami nia preukupasaun maka iha foho ne’e bee laiha oinsa bele moris, maibe boot sira dehan diak deit, ne’ebé ami prontu, importante maka fo mos benefisiu mai ami povu”, dehan Oracio Mahatu.

Antes entidade Governu nian tun ba haree rai refere, Governu mos hala’o ona enkontru ho autoridade Munisípiu Manatuto. mia


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker