GMN TV Sosiedade Ministeriu 11 forma komisaun resolve problema dezastre naturais

Ministeriu 11 forma komisaun resolve problema dezastre naturais

0 views

Foto:Facebook

Primeiru Ministru (PM), Taur Matan Ruak fó orientasaun ba Ministeriu 11 hodi forma komisaun nunee bele resolve problema dezastre naturais ne’ebe akontese durante tempu udan nebe estraga populasaun nia uma no sasan.

Ministériu hirak ne’e kompostu husi Ministeriu Administrasaun Estatal (MAE), Ministeriu Defeza no Seguransa (MDS), Ministeriu Finansas (MF), Ministeriu Negosio Estrageirus no Koperasaun (MNEK), Ministeriu Saude (MS), Ministeriu Obras Públikas (MOP),  Ministeriu Transportes no Komunikasaun (MTK), Ministeriu Solidariedade Social no Inkluzaun (MSSI) Ministeriu Agrikultura no Peskas (MAP), inklui  Direktor Sentru Integradu ba Gestaun Krizes no asesor Komisaun Inter-ministerial ba Seguransa.

Sekretariu Estadu Protesaun Sivil, Alexandrinho de Araujo, hateten, enkontru ho  Primeiru Ministru, Taur Matan Ruak hodi koalia kona ba dezastre naturais nebe akontese iha rai laran.

“Enkontru ida ne’e inisia husi Primeiru Ministru atu kria komisaun inter-ministerial ida hodi hare dezastre naturais nian. Ami iha dadus kompletu kona ba dezastre naturais, so Oecusse ho Dili maka seidauk iha”, hateten Sekretario Estado Protesaun Sivil, Alexandrinho de Araujo ba Jornalista sira iha Palasio do Governu, Sexta (25/01/2019).

Governante ne’e hatutan, bazeia ba dadus ne’e, Governu iha misaun asistensia rua, hanesan fo intervensaun primeiru hodi fo apoia emergensia dadus husi munisipiu no mos apoia emerjensia ba uma hirak ne’ebe afeta husi dezastre naturais.

“Dadus ne’ebe ami iha maka Municipiu Baucau kuaze 400, Viqueque kuaze 200, Lautem kuaze 80, dadus sira ne’e hanesan dadus provijorio, tanba dezastre ita labele hanoin katak akontese para ona iha ne’e, maibe ita so hein deit”, dehan Alexandrinho de Araujo.

Dezastre naturais ne’ebe akontese, Governu halo ona intervensaun dahuluk hodi apoia emerjensia hanesan hahan, ekipamentu uma ne’ebe hetan estragus husi dezastre naturais.

“Fatin ne’ebe ami ajuda ona maka li-liu iha Munisipiu Baucau, Postu Administrativo Quelekai, Baguia no mos fatin seluk ne’ebe akontese dezastre maka’as liu, hanesan mota lori ema, ne’e ami ajuda. Kona ba sira seluk ne’ebe seidauk hetan apoia ami sei haree fali ba dadus”, esklarese Alexandrinho de Araujo.

Rezultadu husi reuniaun ne’e ikus mai deside Ministeriu Administasaun Estatal maka sai hanesan komisaun organizadora. mia


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker