GMN TV Sosiedade So’e lixu arbiru sei multa osan to’o USD 1000

So’e lixu arbiru sei multa osan to’o USD 1000

2 views

Sekretáriu Estadu Meiu Ambiente Demétrio de Amaral de Carvalho hateten, tuir dekretu lei ijiene Orden públiku,  númeru 33 /2018 hateten, ba sidadaun sé de’it, mak soe lixu arbiru no la tau tuir nia fatin, sei multa osan USD 1 to’o USD 1000.

“Ami halo inspeksaun kona ba jestaun lixu iha Díli laran, ita hatene  katak, loja sira, supermerkadu sira mak produs lixu barak liu, no  barak husi sira la iha kondisoens atu halo tratamentu lixu  iha sira nia loja rasik , tanba ne’e mak inspeksaun ohin ne’e, iha objetivu ida hodi sosializa katak, dekretu lei hijiene orden Públiku,  tenki  aplika, tenki reforsa dekreitu lei ne’e, liu-liu  ba  empreza no komersiante, loja, supermekradu  sira atu tau tong sampah ka fatin lixu hodi halo segregasaun ba lixu plástiku, kalen, no besi aat sira, atu nune’e ajuda           Munisípiu Díli nia servisu, ne’ebé rekolla lixu iha dadersan”, dehan Demétrio ba Jornalista sira iha Audian Díli,  Tersa (15/01/2019).

Demétrio hatutan, dekretu lei hijiene orden públiku sai referensia ba servisu ohin loron mak, sé  mak soe lixu ne’e bele hetan sansaun  dolar ida to’o USD 1 to’o USD 1000, sé halo inpktu so’e lixu arbiru sei fó moras ba ema seluk.

“Iha kodigu penal mós hateten, so’e lixu arbiru ne’e hanesan krimi ambientais. Ita fó hanoin ba sira, no sira la halo tuir, loron ruma mak  ita kaer toman,  ita entrega ba Autoriedade hodi halo prosesu. Hanesan ohin ha’u dehan, entidade komersiante sira mak produs lixu bo’ot liu, husi ami nia peskiza hatudu komunidade sira ladun produs lixu, maibé loja bo’ot sira ne’e produs lixu, besik  toneladas, entaun ita tenki  enkoraja sira halo jestaun lixu di’ak uluk, nune’e mós ita fó hanoin ba uma kain sira, atu hatene organiza rasik sira nia lixu, atu ta’u tuir iha fatin lixu”, katak Demétrio.

Iha  fatin hanesan, Administrador Postu Administrativu Nain Feto, Tomas Alberto Braz hateten,  Autoriedade hasai ona sirkular ida, hodi hato’o ba loja sira ne’e atu halibur lixu, tula ba fatin ne’ebé mak determinadu tiha ona.

“Hanesan Sekretáriu Estadu Ambiente hateten ona, iha lei númeru 33 / 2018 kona ba hijiene orden públiku, iha  sansaun ona, multa ho osan, karik ba sidadaun sira ne’ebé la kumpri lei ne’e, ita implementa tenki hahú halo inspeksaun no sosializasaun ba sidadaun sira atu bele komprende kona ba lei hijiene orden públiku”, katak Tomas.oly

 


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker