GMN TV Sosiedade Asegura finanseiru família no instituisaun, Mate restu 12 Novembru hetan formasaun jestaun kooperativa

Asegura finanseiru família no instituisaun, Mate restu 12 Novembru hetan formasaun jestaun kooperativa

0 views

Mate restu 12 Novembru 1991, hetan formasaun jestaun kooperativa ne’e husi, Federasaun Kooperativa Nasionál Timor-Leste, hodi asegura sustentabelidade finanseiru, iha família no instituisaun presija formasaun jestaun kooperativa.

Formadór Elizário Fereira, hateten koperativa 12 de Novembru ne’ebé kompostu husi inan-aman no oan husi mate restu 12 de Novembru, hetan formasaun kona-ba jestaun kooperativa   husi Federasaun Kooperativa Nasionál Timor Leste.

Kona-ba jestaun kooperativa no objetivu husi formasaun ne’e  oinsa atu asegura sustentabelidade finanseira iha família, iha kooperativa  no mós motiva joven sira   hodi bele hola parte iha vida kooperativa.

“Formasaun ida ne’e hanesan formasaun jestaun no kooperativa, kooperativa ida ne’e hanesan kooperativa ida ne’ebé hari’i husi mate restu sira 12 de novembru nian, ho objetivu atu tulun jerasaun ka oan sira ne’ebé mai husi membru komete 12 de novembru sira, hodi asegura sira nia futuru finanseira hodi asegura sustentablidade finanseira iha família iha nasaun ne’e,” hateten, Formadór Elizario Fereira, ba GMN, Segunda (27/01/2020),  iha salaun CHEGA – Balide.

Elizario esplika liutan, objetivu husi formasaun ne’e atu bele asegura sustentabilidade instituisional liu-liu kooperativa ne’e bele sustentavel liutan para asegura membru hotu no asegura mós sustentavel finanseiru kooperativa nian.

No oinsa maka atu bele motiva direjente sira, membru sira bele partisipa ativu iha mobilizasaun membru foun i atu lori kooperativa ba joven sira lori mós joven sira hakbesik ba kooperativa nune’e populasaun enjeral atu hola parte iha vida kooperativa.

Elizario akresenta katak, iha konstituisaun RDTL hakerek ona kooperativa hanesan mós setór ekonomiku nasaun nian, alende ne’e mós kooperativa barak lá sobreviver tanba falla iha parte jestaun nian.

Elizario esplika, tuir lei ne’ebé asegura liu husi iha konstituisaun 50 numeru 5, artigu 59 numeru 3, artigu 148 koalia kona-ba organizasaun ekonomiku nasaun nian kooperativa hanesan mós setór ekonimiku ida ninia implementasaun ba iha artigu 3 ne’e bazeia ba dekretu lei numeru 16/ 2004.

Ne’ebé maka asegura kona-ba funsionamentu kooperativa hotu-hotu, tanba saida maka  kooperativa barak lá sobreviver  ne’e, tanba failla iha jestaun, tanba ne’e maka iha kooperativa kréditu assume pilar 4 importante.

Elizario dehan, pilar premeira maka edukasaun ne’e katak kooperativa hahu ho edukasaun, dezenvolve edukasaun, kontrola edukasaun i depedensia total ba edukasaun tanba edukasaun hanesan ramu prátika.

Nia hatutan katak, pilar segundu autosupsensia ne’e katak kooperativa tenki eduka ninia membru atu halo autoimpregu ba ninia an rasik, oinsa nia atu kria kampu de traballu i nia atu investe osan oituan ne’ebé nia iha hodi fó moris ba ninia família.

Nomos, pilar terseira maka solidaridade oinsa maka kooperativa atu lori ema seluk ba moris kontenti no pilar kuatru maka kriatividade social.

Iha fatin hanesan, Sekretariu Estadu Kooperativa Arsénio Pereira da Silva  hateten, formasaun jestaun kooperativa ne’e importante tebes  hodi bele hasa’e liu tan koñesimentu   kona ba jestaun nian hodi bele   ajuda kooperativa 12 de Novembru atu jere kooperativa ho di’ak no bele avansa nafatin ba future.

“Hau hanoin formasaun ne’e importante tebes kooperativa hanesan kooperativa sekundaria ne’e presiza aumenta tan koñesimentu  ba iha jestaun tanba kooperativa kréditu 12 de novembru ne’e uluk iha tiha ona maibe agora hahu fali ne’e oinsa atu hahu ho nia  jestaun ne’e ho diak, para depois aban bainrua atu lao ne’e bele jere kooperativa ne’e ho diak no bele avansa ba oin, foin dadaun orsamentu tinan kotuk ami apoiu orsamentu ointuan liu-liu ba iha formasaun ida ne’e,formasaun jestaun kooperativa tanba ida ne’e maka oinsa atu halo dezenvolve kooperativa ida ne’e iha Timor Leste, secoop iha diresaun ida ne’ebé maka toma konta ba iha dirasaun nasional setór kooperativa ne’e oinsa maka atu Fortalesimento kooperativa nune’e mós focus liu ba kooprtaiva kréditu sira. Sira ne’e maka fasilita no akompañia hodi apoiu ba kooperativa sira hodi sira nia Dezenvolvimentu ne’e lao ho diak”, tenik Arsenio

Formasaun ne’e hala’o durante loron 5 nia laran ho formadór husi Prezidente Federasaun Kooperativa Nasional Timor-Leste   hetan partisipasaun masimu husi membru hamutuk 35.

Formasaun ne’e loke husi, Sekretariu Estadu Kooperativa Arsénio Pereira da Silva, formadór no atuál Prezidente Federasaun kooperativa Nasionál Timor Leste Elizário Fereira   akompaiña mós husi Prezidente Komite 12 de Novembru Grigório Saldanha.Jen


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker