GMN TV Sosiedade Emprezáriu: Governu falla halo pagamentu ba projetu 143

Emprezáriu: Governu falla halo pagamentu ba projetu 143

Diretór Kompañia Laloran Fronteira Unipessoal. Lda,  Floriano dos Reis hateten, Governu falla halo pagamentu ba projetu 143, tanba governu to’o agora la da’uk halo pagamentu ba projetu hirak ne’e. 

“Ami nu’udar kompañia senti triste, liu-liu husi ministru obras públiku atu bele atende atu bele prosesu pagamentu no mós bele fó ona kontratu mai ami, ami nu’udar kompañia ami nia dokumentus pronto, falla iha governu, falla iha ita nia Estadu, ate agora husi ita nia Estadu ita nia nai ulun sira promete iha tempu badak atu rezolve ami nia problema projetu kompañia 143 ne’e, maibé ate agora seida’uk rezolve”, dehan, Floriano dos Reis ba GMN iha Jardim Bebora, Sesta (17/01/2020).

Nain ba projetu ne’e, ejizi ba Governu liu-liu ba ministru obras públiku, atu halo pagamentu lalais ba projetu sira, tanba konsidera problema ne’e, tanba krizi finanseiru

“Ami hakarak ejizi lalais atu bele responde pagamentu kompañia sira tanba krize ne’e ba kompañia ami mak senti balun ami deve ema nia sasan ema sisi ami ne’ebé ami ejizi tempu badak, atende ami lalais para bele selu ona ami, para bele selu fali ami nia traballador sira no mós sasan ne’ebé ami deve iha kompañia iha kompañia selu ba hala’o projetu ne’e, ami nu’udar kompañia parseiru ba dezenvolvimentu pareseiru ba estadu ami hala’o ona ami nia serbisu hotu ona, maibé na realidade ate a data governu seidauk halo pagamentu”, hateten nia.

Iha parte seluk, Diretora Kompañia Jufadu Unip Lda, Delfina Amaral Lopes hateten, maske ho kbiit naton maibé hala’o dezenvolvimentu ba nasaun ne’e, maibé realidade governu ate a data governu la rekoñese no la dauk halo pagamentu ba projetu ne’ebé mak remata ona nia serbisu.

“Ha’u atu dezenvolve nasaun, ho kbiit natoon ha’u buka meius ideia oinsa halo serbisu to’o remata, maibé na realidade ita nia governu iha nasaun ne’e la tau konsidderasaun to’o ohin loron serbis tinan 3 la hetan pagamentu”, hateten, Delfina.

Delfina Amaral Lopes ne’e esplika, projetu ne’ebé nia kaer mak  halo moru protesaun iha muníspiu kovalima, antes ne’e parte tékniku tun direta ba terenu inklui ministériu obras públika halo ona observasaun, maibé até agora seidauk iha respode husi governu.

“La satisfas ho hanoin governu ne’e, Estadu ne’e la rekoñese oinsa nu’udar pove kbiit la’ek ho inisiativa rasik atu hatudu ba nasaun seluk, maibé realidade husi ita nia governu la valoriza, ejizi ita nai ulun sira kopera hamutuk bele responde ami nia preokupasaun ne’ebé preokupasaun povu nian preokupasaun nasaun nian, natureza estraga ami rasik salva povu, maibé to’o ikus governu la rekoñese ami”, dehan, Delfina.

Hatan ba kestaun ne’e, Ministru Obras Públiku, Salvador Eugenio Pires hateten, atu halo pagamentu ba projetu ne’e iha regras, no governu iha boa-vontade halo pagamentu ba projetu hirak ne’e, maibé selu deit ba projetu ne’ebé mak iha ona kontratu.

“Ami nia pagamentu ami halo hela ba sira ne’ebé mak iha kontratu, tanba lei jestaun finanseira tanba ita orsamentu iha mais kuandu atu ezekuta atu halo pagamentu iha nia regras sira iha, regra sira mak tenki iha kontratu, kontratu ne’e mak 97 ne’e mak iha ona ita kontinua selu, 2018  por volta  millaun USD 30. no 2019 ami dezembolsa selu millaun USD 60, governu iha boa-vontade nafatin selu kontratu ita kontinua selu bazeia ba sira nia progresu fíziku implementasaun iha terenu, sira ne’ebé iha kontaru ita la selu tanba laiha faktura ne’ebé sira hatama signifika laiha progresu”, dehan, Salvador.

Tuir, Salvador Eugenio Pires, Governu foin halo deit pagamentu ba projetu 97 tanba projetu hirak ne’e iha ona kontratu. Ina

 


Banner

Foto

Notisia Ikus

PR husu autorizasaun ba PN renova EE da-XVI

July 27, 2021
Prezidente Repúblika (PR), Francisco Guterres L...

Governu muda estatutu ba EP, bee-moos nafatin iha problema

July 27, 2021
Deputadu komisaun E Parlamentu Nasionál (PN) ne...

MS: Posibilidade Governu sei aplika KO iha teritóriu nasionál

July 26, 2021
Ministra Saúde (MS), Odete Maria Freitas Belo, ...

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...
1 2 3 620

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker