GMN TV Sosiedade Estrutura KKLN la hala’o funsaun tanba edifísiu laiha

Estrutura KKLN la hala’o funsaun tanba edifísiu laiha

0 views

Estrutura Kosenllu Kombatente Libertasaun Nasionál (KKNL), hasoru malu ho Prezidente Parlamentu Nasionál (PPN), Arão Noe de Jesus da Costa Amaral, hodi diskute fatin atu bele hamahan aan hodi hahú halo servisu konsellu nian.

Prezidente PN, Arão Noe hateten, nia parte ho ekipa sujere atu utiliza hela fatin eis kuartel tropas portugés nian iha Taibesi, maibé desizaun ikus kompetensia Ministériu Justisia nian.

“Sira agora problema ho edifísiu para hala’o sira-nia knár fatin, tanba ne’e mak sira haree katak, iha difikuldades, maske sira eleitu tiha ona, maibé labele hala’o knár, bainhira laiha edifísiu ida ba sira, edifísiu ida mak kaza eropa nian ne’e, maibé ita haree kondisaun at loos, atu halo manutensaun, maibé presiza osan bo’ot. Ami sujere fali fatin eis  kuartel jerál tropas portugés nian iha Taibesi, maibé kona-bá rai no uma, ne’e kompetensia ministériu justisa ninian”, informa PPN ba jornalista sira, Tersa (14/01/2020)

PPN ne’e akresenta tan, pedidu estrututa konsellu nian atu aumenta osan adisional iha proposta sekretária asuntu veteranus nian, depende  deputadu sira-nia proposta.

“ Ami haree katak, sira presiza mós orsamentu ida para jere, depois ho material ka ekipamentus servisu nian, hanesan meza no kadeira, inklui komputadores, tanba ne’e mak sira propoin para PN atu bele konsidera adita tan orsamentu ruma ba iha Sekretária Estadu kombatentes no Libertasaun Nasionál nian, para bele haree ba asuntus sira ne’e, maibé atu halo proposta ruma ne’e kompetensia deputadu sira nian, tanba asuntu ne’e liga ba komisaun F ne’ebé trata mós asuntu sosiais, tanba ne’e, sira mak oinsa halo proposta para bele aserta iha prosesu diskusaun”, tenik Noe.

Iha fatin hanesan, Prezidente KKLN, Vidal de Jesus Riak Leman reforsa, durante ne’e, estrutura KKLN seidauk hala’o funsaun loloos, tanba laiha edifísiu ruma no laiha orsamentu.

“ Agora konsellu ida ne’e harí tiha, fatin laiha atu halo servisu, tuir loloos ne’e, haree ba fatin iha tiha lai mak harí para ami servisu, tanba problema ne’e mak ami mai hasoru malu ho prezidente PN, para oinsa atu haree took, diskusaun ba proposta OJE 2020 aban (ohin-red) tama ona, oinsa bele tau mós orsamentu ruma mai ami para bele servisu. Tanba iha konsellu nasionál ne’e, iha mós konsellu munisipal, agora iha komisaun omenajen ne’ebá de’it book an ladi’ak, fatin laiha, tanba ne’e mak konsellu ne’e tenke buka fatin para hodi hala’o servisu, tanba servisu la’os konsellu nasionál mesak, iha mós konsellu munisipal sira, komisáriu sira, no dadus sira ne’ebé mak foin mai bou hela iha komisaun omenajen ne’ebá ne’e, ida ne’e mak atu transfere ba konsellu veteranus ne’e”, afirma Riak Leman.

Prezidente konsellu ne’e mós sujere, atu Parlamentu Nasionál hola inisiativa hodi halo proposta ruma, oinsa aumenta osan adisional, atu nune’e, KKLN bele utiliza.

“Konsellu ne’e foin harí, orsamentu ba tiha ona PN, konsellu harí iha loron 19 fulan Dezembru tinan 2019, maibé orsamentu uluk tiha ona, tanba ne’e, ami husu pelumenus halo adisional ruma para ami bele hala’o servisu”,subliña eis deputadu ne’e.

Konsellu Kombatentes Libertasaun Nasionál ne’e rasik harí iha fulan Dezembru tinan 2019 ne’e, liuhosi kongresu nasionál veteranus durante loron rua iha Díli.say


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker