GMN TV Sosiedade Komunidade Aldeia Laulora lamenta mekanizmu distribuisaun sasán husi MSS

Komunidade Aldeia Laulora lamenta mekanizmu distribuisaun sasán husi MSS

0 views


Relasiona ho udan bo’ot ne’ebé akontese iha, loron (29/12/2019) ne’ebé rejulta komunidade nia uma no sasán barak hetan estragus, iha Suku Manleuana, Postu Administrativu Dom Aleixo, Munisípiu Díli.

Maibé komunidade husi Aldeia Laulora, senti deskontenti ho distribuisaun sasán husi MSS, tanba konsidera la balansu.

Reprezentante komunidade Aldeia Laulora, kestiona ho apoiu ne’ebé Governu oferese ba sira, la balansu tanba komunidade ne’ebé afetadu grave láhetan apoiu emerjénsia.

Augusto Freitas hateten, durante akontese dezastre naturais ne’e, komunidade Aldeia Laulora seidauk hetan apoiu husi Governu.

“Ami durante komesa akontese ne’e to’o agora, seidauk hetan, neim atu saida deit mós ami seidauk hetan. Ba parte ami Laulora ami seidauk hetan buat ruma. Iha ne’e hetan tiha ona mak Aldeia Ramelau, tun ba Mauk, Mane Mesak, sira ne’e hetan, mais ami Laulora ne’e, nunka mais hetan” kestiona Augusto Freitas, iha Suku Manleuana, Dili, Sesta (02/01/2020).

Iha fatin hanesan, Cosme dos Santos Freitas mós husu ba parte kompetenti, presiza levantamentu dadus foun, kona-ba dezastre naturais ne’ebé akontese.

“Husi ha’u nia maluk viziñu na’in hirak ne’e, la hetan buat ida, depois ba tiha kraik, aban hanesan ne’e mak sira lori foos saka ida ho supermi hira, mina rua hanesan ne’e, mai fó ba ferik. Tanba ida ne’e maka apoia emerjénsia ba ferik fó tiha ona. Hau nia maluk viziñu sira ne’ebé hela iha Aldeia Laulora ne’e to’o agora seidauk hetan. Tanba ida ne’e mak hau persija tebes atu husu halo levantamentu dadus ne’ebé foun, ida ne’e importante” informa Cosme dos Santos Freitas.

Xefe Aldeia Laulora, António Ribeiro Santos katak, parte autoridade lokál, liu-liu xefe Aldeia hato’o ona dadus dezastre naturais ne’e ba parte kompetente.

“Iha momentu dia 29 tuku 3 lokoraik ne’e, udan boot maibé ita lahatene katak klima ne’e neneik ka makaas? Maibé derpenti mai ho klima ne’ebé makas teb-tebes, afeta ita nia komunidade parte Aldei Laulora, uma kain 27 hetan estragus, no todan liliu mak uma kain 6. Uma kain 6 ne’e mak iha hau nia kotuk ita haree dadauk ne’e. tama husi ne’e mak kona afeta ba aldeia Ramelau, Aldeia Mane Mesak nomós estraga to’o aldeia Manleuanaana Lidun ho mós Aldeia Mauk. Ba sira ne’ebé atu simu ka la simu, dadus ami foti tia ona iha dia 29, no dia 28 ami hatama tiha ona ba solidaridade, tanba oras mak la permiti mak pronto ita nia solidariedade sira fila no ohin dia 3 ami hanoin katak bele kompletu ba sira nia apoiu netik ba sira nia família uma laran para han no hemu,” esplika Xefe Aldeia Laulora, António Ribeiro Santos.

Ho ida ne’e, Governu liu husi MSS, no ekipa husi Bombeirus, Sesta (02/01/2020) direitamente distribui sasán sira hanesan Foos, Mina, Supermi, Ikan Lata, Biti, Lona no seluk tan, ba komunidade ne’ebé afetadu ba dezastre naturais.

Umakain iha Aldei Laulora, Totál 200 no Uma kain ne’ebé afetadu husi dezastre naturais, iha Aldeia Laulora hamutuk 27 no husi 27 ne’e, Uma kain 6 mak afetadu maka’as. San


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker