GMN TV Sosiedade Longuinhos Armando: Idade 60 mak bele foti subsídiu seguransa sosiál

Longuinhos Armando: Idade 60 mak bele foti subsídiu seguransa sosiál

0 views

FOTO:FACEBOOK

Prezidente Konsellu Administrasaun Seguransa Sosiál, Longuinhos Armando, informa katak, traballadór sira iha direitu foti sira-nia subsídiu ba seguransa sosiál bainhira idade to’o tiha ona 60, maibé ba traballadór ne’ebé mak lisensa maternidade bele foti tuir lisensa refere.

“Traballadór ne’ebé hakarak asesu ba nia seguransa social, maibé nia idade seidauk to’o reforma, ida ne’e labele tanba idade ne’ebé asesu ba seguransa sosiál mak idade reforma tinan 60. Traballadór sira ne’ebé mak bele asesu ba seguransa sosiál bainhira sira foti lisensa maternidade no parternidade ou tanba risku kliniku ruma sira iha rendimentu nafatin, maibé konaba atu asesu ba osan seguransa sosiál konforme traballadór sira ida ne’e labele, tamba seguransa sosiál ne’e só bele foti bainhira traballadór ne’e nia idade tama idade reforma 60 ona”, deklara Prezidente Konsellu Administrasaun Seguransa Sosiál, Longuinhos Armando, ba JN-Diário, Segunda (13/01/2020) iha nia knar fatin Kaikoli Díli.

Nia esplika katak, ba traballadór ne’ebe mak lisensa maternidade tenke hatama karta rekerimentu ba iha dirasaun seguransa sosiál atu dirasaun refere bele prosesa subsídiu ba maternidade ne’e.

“Se karik traballadór ida hakarak foti sira nia subsídiu ba maternidade, ida ne’e depois ka antes semana ida nia bele mai hatama karta rekerimentu iha Instituisaun seguransa sosiál hodi prosesa  traballadór refere nia subsídiu, maibé karik traballadór partus ona, entaun nia família bele lori karta rekerimentu ne’ebé ami fo mai  hodi priense nune’e bele halo transferensia nia osan ba iha konta bankaria traballadór refere”, haklean Longuinhos Armando.

Konaba traballadór ne’ebé mate nia hateten, ida ne’e iha sistema rua mak hanesan, matebian nia subsídiu familia bele mai trata hodi hetan subsídiu traballadór nian no ida seluk mak pensaun sobre vivensia katak, depois traballadór ne’ebé mate hetan ona subsídiu mate nian matebian refere mos iha direitu atu hetan tan subsídiu sobre vivensia.

Entretantu ba traballadór ne’ebé mak muda servisu husi Kompañia ida ba Kompañia seluk ninia subsídiu ba seguransa social bele kontinua nafatin.

“Agora konaba traballadór ida servisu iha kompañia ida no kompañia refere rejista hela seguransa sosiál no depois ne’e nia kontratadu remata liu fulan 3, entaun sistema seguransa sosiál ami taka tanba seidauk iha kontribuisaun, maibé depois ne’e traballadór refere ba servisu fali iha kompañia seluk no sira parte finansas lori deklarasaun regulatoriu mai ami haré katak, fúnsionariu ne’e naran fatin, entaun ami kontinua deit tanba númeru seguransa sosiál ba kada traballadór ne’e ida deit to’o mate”,afirma nia.

Prezidente Konselhu Administrasaun Seguransa Sosiál ne’e hatutan, objetivu hosi seguransa sosiál mak atu garante vida traballadór sira nian iha tempu naruk, tamba bainhira  tama ba idade reforma bele hetan pensaun hosi seguransa sosiál tuir sira nia periodu servisu.

“Seguransa sosiál ne’e atu garante ita nia traballadór sira, nune’e traballadór sira bele moris dignu nafatin bainhira sira nia idade tama ona ba reforma 60 anos”, tenik Longuinhos Armando.Fel


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker