GMN TV Sosiedade Marcia mate tanba Governu transfere tarde ba Bali

Marcia mate tanba Governu transfere tarde ba Bali

Governu transfere ona Marcia dos Santos ba Ospitál Sangla Bali, Indonézia, hodi halo operasaun maibe, la konsege salva Marcia nia vida.

Marcia dos Santos hetan kanek grave iha nia isin lolon tomak, tanba ahi han nia isin kuaze 60 %, iha loron (09/12/2019) iha matebian nia uma Osindo - Dili.

Hafoin lori ba Ospital Nasional Guidu Valadares (HNGV-sigla Portugues) la konsege halo operasaun, nune’e iha loron (24/12/2019) Governu transfere ba Ospital Sangla Bali, hodi halo tratamentu intensivu, maibé la konsege salva Marcia nia vida, tanba matebian nia pulmaun nakonu ona ho bee.

Paulo Loreiro haktuir, durante tratamentu iha Ospitál Sangla la’o diak, maibé labele salva nia vida, tanba transfere tarde.

 “Kona ba nia tratamentu iha Bali ne’e, nia tratamentu la’o diak. Maibé ami sai husi ne’e demora ona, tanba akontesimentu iha dia 09 no nia iha ne’e (Dili) to’o dia 24 foin ba, ne’e ba to’o dia 30 halo operasaun, to’o iha dia 06 nia iis komesa tun, tanba impaktu husi nia toba deit besik fulan ida, entaun iha nia pulmaun  ne’e kan bee iha, entaun sira komesa halo operasaun ida, depois sira tau alat bantu kona-ba nafas nian, depois sira konsege supa sai bee ne’e ákua boot ida, maibé supa la hotu. Entaun pas iha tangal 07 jam 17: 00 (Oras Indonézia) nia hakotu iis. Ha’u senti triste, tanba deit tratamentu tarde uitoan, sekarik Governu mak haruka sedu, parese ke ha’u nia alin nia vida bele salva. Tanba doutor sira dehan nia tarde mak, nia vida ne’e tenki kotu”  hateten, Paulo Loreiro, ba jornalista GMN iha IPDC, iha Manleuana, Sesta (09/01/2020).

Aman husi Matebian, Americo Tomas senti triste, maibé Marcia nia mate hanesan planu maromak nian no familia hotu tenki simu realidade ne’e.

“Maibé nia, maromak mak bolu nia, la’os dehan dosente ka inan aman ami mak despede nia lae? Maibé Maromak mak bolu. Bele fó osan boot mós labele, so nia isin lolon rasik mak ba, ne’e duni ita hotu pasiénsia ho laran tomak, maiske ida idak labele dehan oh ha’u nia oan ne’e tenki moris, tenki ser fila fali mai ha’u. Maibé ita ema kuandu mate, mate ona no labele moris. Tanba ne’e ita tenki ser fiar metin hanoin fali ba oin, loron ohin liu ona, maibé loron aban sei tuir mai.” espresa Aman husi Matebian, Americo Tomas.

Natalino Mouzinho vitima nia kolega konsidera, Marcia nia mate hanesan  tristeza boot ida ba  kolega tomak iha IPDC, tanba sira hamutuk ho matebian durante tinan 4 nia laran, to’o tempu atu gradua, Marcia tenki hakotu nia peregrinasaun nune’e la konsege gradua husi IPDC.

“Sente lakon belun diak ida iha IPDC, tanba durante tinan 4 ami hamutuk, maibé to’o ikus ami hotu bele ba susesu ida ba gradua, maibé kolega ne’e labele ba, ami senti laran triste uinhira kolega hetan moras, maibé ikus mai labele salva nia vida. Lakon mos ema ne’ebé sempre la’o hamutuk ho ami, ami sempre la’o halo servisu maibé ikus mai tenki lakon vida ida ne’e,” katak Natalino Mouzinho, Estudante IPDC.

Reitora Institu Profesionál Canosa, Ervina Martins Freitas  mos triste, tanba Instituisaun IPDC lakon nia estudante diak ida, ne’ebé tuir lolos gradua ona iha tinan kotuk.

“Ho laran triste tebes, tanba momenetu sira hanesan ne’e ita ita laiha liafuan atu hato’o. Institutu tenki lakon nia estudante diak ida, ami hein katak, tinan ida ne’e Marcia halo graduasaun ho nia maluk sira seluk, ne’ebé foin halo graduasaun iha loron 20 no 22 liu ba,” hateten, Madre Reitora IPDC, Ervina Martins Freitas.

Matebian hakotu iis iha Loron (07/01/2020) iha Ospitál Sangla, Bali no lori hikas mai Dili, iha Sesta (09/01/2020).

Hafoin to’o iha Dili família no kolega lori kedas mate isin ba  iha kapela  Saun Miguel Arcanjo, Surik Mas hodi realiza misa ba matebian, no sai husi Kapela  Kontinua halo vizita dala ikus iha IPDC, ne’ebé hanesan mahon ba matebian Estudu durante moris.

Hafoin ne’e, lori kedas matebian ba nia moris fatin iha Suku Vatu-Vou, Postu Administrativu Maubara, Munisípiu Likisa, hodi realiza serimómia fúnebre. San


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker