GMN TV Sosiedade OJE 2020 la pasa iha PN, SEPS : Funsionáriu sira kontinua servisu

OJE 2020 la pasa iha PN, SEPS : Funsionáriu sira kontinua servisu

0 views

Sekretáriu Estadu Protesaun Sivíl (SEPS), Alexandrinho Xavier Araújo, hateten, ho situasaun Orsamentu Jerál Estadu (OJE) tinan 2020 la pasa iha PN foin la-lais ne’e, nia parte husu ba funsionáriu permanente no funsionáriu kontratadu sira, atu kontinua mantein disiplina servisu, tuir responsabilidade no funsaun ida-idak ni’an.

“Orsamentu ne’ebé la pasa, ha’u halo enkontru ho diresaun hotu-hotu funsionáriu permanente no kontratadu ou kazual sira ne’e prepara deit, ita la hatene bainhira quer diser que orsamentu kuandu seidauk iha klaru que afeitadu, maibé ita labele lakon esperansa”, SEPS ne’e ba jornalista sira iha ninia kna’ar fatin Caicoli-Díli, Tersa (20-01-2020).

Alexandrinho esplika, maske OJE la pasa iha PN, maibé asesór nasionál ho internasionál kontratadu sira, mantein kalma no iha esperansa nafatin hodi kontinua halao servisu tuir ida-idak nia responsabilidade.

“Ha’u husu ba funsionáriu kontratadu sira, asesór nasionál, internasionál, no mós kontratdu sira, mantein kalma, husik prosesu ne’e la’o no ita la hatene impase polítiku ne’e to’o iha ne’ebé, karik orsamentu duodesimal ne’e labele koresponde ita-nia situasaun, imi nia naran nafatin iha, maibé orsamentu ne’e mak ita atu haree to’ok ba oin, sé nu kazu labele koresponde ona, maibé nu’udár SEPS, ha’u hakarak agradese ba imi nia esforsu tomak durante tinan 2 hamutuk ho ha’u iha ne’e, mais la’ós SEPS mak hola desizaun dehan, hapara asesór, hapara kontratadu, mais konforme ita haree ba orsamentu, iha fulan Janeiru no Febereiru ita bele dehan katak, tempu para iha negosiasaun”, sujere SEPS ne’e.

Nia akresenta mós katak, ho OJE ne’ebé la pasa, la’ós sai preokupasaun ba deit SEPS, maibé inklui mós ministériu hotu, maibé nia parte espera katak, na’i-ulun sira sei buka dalan hodi rezolve situasaun ne’e.

“Kona-bá OJE la pasa, ne’e la’ós sai preokupasaun deit ba SEPS, maibé ha’u hanoin ida ne’e ba ministériu hotu, mais ha’u espera katak, situasaun sira ne’e sei la’o di’ak, tanba nasaun Timor-Leste ne’e eziste liu husi prosesu naruk”, tenik Alexandrinho.

Entretantu total funsionáriu kontratadu ne’ebé permanente iha Diresaun Patrimónia Públika, hahú husi governu anteriór to’o agora, hamutuk rihun 140 no funsionáriu kazual hamutuk 60. eni


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker