GMN TV Sosiedade Pastora Maria hakotu iis tanba sofre moras kardiaku

Pastora Maria hakotu iis tanba sofre moras kardiaku

Pastora Protestante Igreja Evanjélika Asembleia de Deus Timor-Leste, Maria de Fátima Wadhoomall Gomes, hakotu is iha Óspital Nasional Guido Valadres, Tersa 07/01, tanba sofre moras kardiaku.

Sentimentu triste no matan been hafalun sarani protestante iha Timor Leste tanba lakon ona  pastora Maria de Fátima,  ne’ebé hakotu nia peregrinasaun  moris iha mundu iha Óspital Nasional Guido Valadares.

Reprezentante família, Arlindo Marcal, espresa nia sentimentu tristeza, tanba lakon ona ema diak ida ne’ebé  durante ne’e dedika nia an tomak ba igreja Evanjélika Asembleia de Deus nian hodi habelar no haklaken evanjellu iha Timor Leste.

Iha 1991 to’o 1999 matebian asume kna’ar nu’udar líder igreja evanjelika asembleia de deus iha Timor-Leste.

Alende asume pasta nu’udar bibi atan matebian maria mós asume knar nu’udar membru konsellu konsultivu administrasaun tranzitóriu iha 2001a to’o 2002. Hafoin ne’e matebian mos asume fali kna’ar  nu’udar membru konsellu konsultivu comissão nasional iha 20201 to’o 2008 no 2008 to’o   2009 nuudar mos Membru Konsellu Konsultivu UNESCO.

“Líder halo servisu hanesan maromak nia atan, iha tempu portuges difisil tebes no iha tempu indonezia ami konsidera hanesan lider ida ba ita nia sosiedade tomak tanba ne’e ami senti triste senti lakon tanba dedika nia an tomak ba sarani sira protestante timor leste, ami triste senti lakon “,Reprezente família Arlindo Marcal, ba GMN iha Residensia Matebian Nian iha Balide-Dili, Kuarta (08/01/2020).

Atual Prezidente Igreja Evanjélika Asembleia de Deus, Francisco dos Reis, hateten, nu’udar umanu senti triste tanba lakon ona lider prinsipal igreja protestante nian, maibé francisco mós senti kontente tanba konsidera matebian maria kumpri ona konvite nai maromak nian ne’ebé hakerek ona iha biblia

“Nu’udar umanu lakon líder prinsipal ida triste, maibé a,mi haksolok tanba nai maromak bolu, no rai hela ezemplu ba ami, bensaun bot mai ami , sentiment tristi maibé maromak mak bolu , ami prejiza halo mak kualidade espiritu ami tenki banati fo bensaun ba ema barak”, dehan nia.

Matebian moris iha Díli, (25/ 02/ 1940) oan husi Wadhoomall Indiano (aman) no Wilita, Chineza (Inan), matebian maria oan ba 5 husi maun alin nain 8, matebian hakotu nia peregrinasaun moris iha mundu tanba sofre moras kardiaku hodi husik hela oan nain 9 ne’ebé kompostu husi feto 4 no mane 5, dadaun ne’e mate isin maria nian sei rai hela iha nia rezidensia balide no tuir planu matebian sei haloot iha semitériu bekusi iha kinta semana ne’e. ina 


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker