GMN TV Sosiedade SETP: Komunidade okupa rai Estadu sei la hetan indemnizasaun

SETP: Komunidade okupa rai Estadu sei la hetan indemnizasaun

0 views

Sekretáriu Estadu Terras no Propriedade (SETP), Mario Ximenes, hateten, Governu sei la fó indemnizasaun ba komunidade sira ne’ebé kontinua konstrui uma iha fatin ne’ebé proibidu hanesan mota-laran, foho-lolon no rai Estadu.
Governante ne’e mos fundamenta, komunidade sira ne’e sei la hetan indemnizasaun, tanba konstrusaun refere la hetan lisensa husi Governu.
“Ita-nia komunidade balun haree no identifika katak Estadu atu halo buat ruma iha ne’ebá, sira idak-idak ba konstrui uma iha ne’ebá. maibé so bele fo hatene no husu ba sidadaun no inan-aman sira labele konstrui uma arbiru iha fatin ne’ebé identifika Estadu nian no fatin ne’ebé kategoria ba risku, hakarak konstrui iha ne’ebé tenke tuir prosedur legal,” dehan Sekretáriu Estadu Terras no Propriedade (SETP), Mario Ximenes ba GMN iha nia knaar fatin, Sesta (10/01/2020).
Nia esplika, komunidade ne’ebé hakarak utiliza rai Estadu tenke hetan lisensa husi Governu liu-liu iha parte terras propriedades, meiu ambiente no mos Ministério Obras Públicas atu nune’e bele identifika katak rai ne’e merese duni hodi konstrui uma ruma.
Maibe, wainhira sidadaun hirak ne’e obriga aan atu halo iha fatin ne’ebé la tuir nia dalan legal maka sei hamosu risku ba sira nia aan rasik, no iha tempu ruma ne’ebé Estadu planu hodi utiliza fatin refere sei la hetan indemnizasaun tanba lei la fó dalan.
“Ita nia sidadaun sira hanesan agora dadaun akontese ona sira mak obriga aan atu halo ida ne’ebé buat ketak ida, estadu sei la indemniza buat ida, se’e sidadaun Timor laran tomak halo hanesan ne’e Estadu uza osan iha ne’ebé hodi indemniza ema sira ne’e,”dehan Nia.
Governante ne’e dehan, dala-barak komunidade kontinua konstrui uma iha fatin proibidu sira tanba husi autoridade hanesan Xefe Suku ladun tau atensaun hodi fó informasaun ba nia komunidade sira hodi labele konstrui uma arbiru sem lisensa husi Governu.
Iha opurtunidade ne’e mos Governante ne’e husu ba komunidade sira iha suku Kampung Alor ne’ebé hetan ona karta husi SETP hodi hamamuk sira-nia hela fatin, maibé kontinua hela hodi husu Governu atu bele hanoin no tetu fali sira-nia kondisaun.
Mario Ximenes mos esplika, kona-ba komunidade ne’ebé hela ona iha área proibidu durante tinan barak nia laran la’os razaun para bele hetan indemnizasaun. Maibé Governu sei fasilita komunidade hirak ne’e atu bele fila ba fatin orijinal sira nian. Ida


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker