GMN TV Sosiedade Uma 6 hetan estragus iha Aldeia Laulora, Governu seidauk fó ajudu umanitária ba vítima

Uma 6 hetan estragus iha Aldeia Laulora, Governu seidauk fó ajudu umanitária ba vítima

0 views

Udan no anin boot ne’ebé akontese iha Domingu (29/12/2019) liu ba  rezulta uma 6 hetan estragus iha Aldeia Laulora, Suku Manleuana Postu Administrativu Dom Aleixo, Munisípiu Díli.

Vítima Augusto Freitas, hateten, akontese udan no anin boot ne’e  estraga sira nia uma maibé to’o oras nee seidauk hetan ajudus ruma  husi Governu maske ema sira seluk hetan ona  ajudu humanitária husi kompañia no NGO.

“Mota mai sobu ami nia uma, ami ejije, ami nia hakarak ejije ba Estadu , ema sira ne’ebé impede ami la konese maibe ejije importante oinsa para konsultasi ho sira hadia valeta ne’e ohin loron monu ba estraga ami nia sasan,” hatete,Vítima Augusto.

Vítima Augusto hatutan katak, to’o oras ne’e seidauk iha ajudus ka apoiu ruma ba vitima sira liu-liu iha aldeia Laulora.

“Ami durante komesa akontese nee too agora ami seidauk hetan nein saida deit ami seidauk hetan ba parte ami Laulora ami seidauk hetan buat ruma, iha nee hetan tiha ona maka ramelau , mane mesak, mauk, ami laulora seidauk hetan, ami iha oituan ne’e hau nia maun uma iha leten dapur hetan estragus, tun mai klaran ne’e tetuk too ferik hamrik iha mota klaran too bee ne maran, hau nian mak dadaun ne ita hotu haree rezultadu mak akontese ona ha’u nia sasan la aproveita hotu, ami ejije ba estadu haree valeta monu dadaun,” hateten, vítima Augusto Freitas ba GMN iha Manleuana, Sesta (03/01/2020)

Vítima Angelina Belo hatete, nia uma mos hetan estragus total no obrigadu nia tenke hela iha nia oan mane nia uma ne’ebé lokaliza mós iha Manleuana.

Maibé, Vítima nia oan mane Cosme dos Santos, hateten, hafoin akontesementu vítima hetan kedas ajudus husi Cruz Vermelha Timor Leste.

“Iha kalan ne’e kedas ha’u nia xefe suku no xefe aldeia iha momentu ne’e husu ha’u para atu lori ami ba iha sede suku maibé ami la aseita, ami hanoin ne’e maka mi nia fatin, ami moris iha ne’e mate mos iha ne’e, i iha kalan nee ami desidi iha fatin ne’e, husi cruz vermelha mak lori lona ida tau ba ferik ne’e para ami atu toba, husi maluk ha’u nia maluk sira, nain hirak ne’e nein hetan buat ida, ba ferik apoiu emerjensia fo tiha ona maibe hau nia maluk sira iha aldeia laulara ne’e too agora seidauk hetan,” haktuir, Cosme.

Xefe Aldeia Laulora António Santos, Hateten, Rekoella Ona Dadus Kona-Ba Akontesimentu refere no sei hatoo  Ba Governu atu Apoiu Vítima Ba Inundasaun sira Ne’e.

“Dadus ami foti ona iha dia 29 e ami hatama ona iha solidariedade, ami hanoin katak ohin bele kompletu ba sira nia familia uma laran, para han no hemu,” dehan, Autoridade lokal ne’e.

Total vítima husi inundasaun ne’e hamutuk uma kain 27 husi total ne’e uma 6 mak hetan estragus maka’as maibé uma kain 1, mak hetan ona  apoiu husi Cruz Vermelha de Timor-Leste (CVTL) maibé sira seluk seidauk  hetan apoiu.ina 

 


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker