GMN TV Sosiedade Misaun EUA selebra aniversáriu ba dala 20 relasaun diplomátika ho TL

Misaun EUA selebra aniversáriu ba dala 20 relasaun diplomátika ho TL

28 views

Enkaregadu Negósiu Embaixada EUA nian Tom Daley lansa Misaun EUA nian iha Timor-Leste nia komemorasaun durante tinan ida nia laran-aniversáriu ba dala 20 relasaun diplomátika ho Timor-Leste.

Ho tema “Belun, Parseiru, Oportunidade,” komemorasaun ne 'e fó sai iha vídeo ida iha pájina Facebook Embaixada Estadus Unidus nian iha Dili. Hahú fulan ida ne' e, Misaun EUA iha Timor-Leste sei hatudu relasaun forte entre EUA no Timor-Leste liu husi média tradisional no sosiál konaba ami nia amizade istóriku, atividade publiku involve lider futuru Timor-oan sira nian hodi hametin futuru parseria entre EUA no Timor-Leste, no sei anunsia mos oportunidade foun sira atu haluan prosperiedade.

“Tinan ida ne 'e, Timor-Leste selebra nia tinan 20 nu' udar nasaun ida ne 'ebé independente, demokrátiku, ami selebra mós aniversáriu ba dala-20 kona-ba relasaun diplomátika entre Estadus Unidus no Timor-Leste," hatete Enkaregadu Negósiu Embaixada EUA nian Tom Daley. “Durante tinan 2022, ita sei reflete kona-ba susesu sira ne' ebé ita alkansa ona iha dékada rua ikus ne 'e nia laran, no ita sei haree mós ba futuru ida ne' ebé nabilan liu, ne 'ebé ita hakarak harii hamutuk.” Haktuir komunikadu imprensa ne’ebé tama iha redasaun GMN, Kinta (13/1/2022).

Enkaregadu Negósiu, Tom Daley anúnsia rezultadu selesaun ba logo ofisiál Embaixada Estadus Unidus nian iha komemorasaun ne 'e. Logo ne' e dezeña husi Timoroan ida Agostinho Meluk, ne 'ebé kumpriende klean konaba espíritu komemorasaun ne' e.

Hakoak hela malu, númeru rua ne’e reprezenta ita nia amizade istórika entre Estadus Unidus no Timor-Leste. Fitun hirak ne’e simboliza susesu barak ne'ebé Estadus Unidus no Timor-Leste halo ona durante tinan 20 ikus ne' e; bandeira sira signifika oportunidade sira ba ita-nia nasaun rua bainhira ita serbisu hamutuk. Logo nee hili entre konkorente nain 65 neebé kreativu no inspira tebes durante kompetisaun dezeñu ba logo komemorativa Embaixada Estadus Unidus nian.*


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker