GMN TV Sosiedade Deputadu sira apela ba juventude labele mete problema

Deputadu sira apela ba juventude labele mete problema

0 views

Deputadu sira iha Parlamentu Nasional husi bankada PLP, CNRT, no PD husu ba joven Timor-Leste tomak atu labele mete problema, maibe presiza aprende no estuda atu bele priense dezenvolvimentu nasionál.

Vise Xefi bankada PLP, iha Parlamentu Nasional (PN), Francisco Vasconcelos, hateten, ema sira ne’ebé mak involve-an iha Grupu Arte Marsiál (GAM) sira ne’e mak kriminozu, la’os organizasaun GAM mak komete krime.

Tuir Francisco Vasconcelos katak, organizasaun arte marsiál eziste iha nasaun hotu, nunka eduka ema atu halo krimi, maibé ema mak utiliza halo krimi.

“Se mak halo aktu kontra lei no regra, tenki simu nia konsekuensia, organizasaun ne’e, ita labele kriminaliza, maibé kriminaliza mak ema ne’ebé halo krime. Ha’u la konkorda kuandu ita kriminaliza ema nia organizasaun, organizasaun iha mundu ne’e iha hotu kedan, ema ne’ebé mak halo krimi, nia tenki hasoru lei”, hateten Francisco de Vasconcelos ba GMN, iha PN, Tersa (19/02/2019), relasiona ho kapturasaun membru arte marsiál ne’ebé importa atributu arte marsiál PSHT iha fronteira terrestre Suai, ne’ebé deskonfia sidadaun Indonézia.

Deputadu PLP ne’e mós apela ba juventude no sosiedade hotu, atu garante estabilidade ho komportamentu ne’ebé di’ak, hodi fó oportunidade ba prosesu dezenvolvimentu kontinua la’o.

“Maun Xanana hanesan aman ida, alerta ona ba joven sira, tanba buat ko’alia ba malu ne’e importante, duke ita fila ta’a malu, oho malu, kaer rama ambon. Joven sira tenki hadia no prepara aan, la signifika ita seidauk iha servisu tu’ur de’it, ne’ebé halo fali servisu mak ba oho malu. Oho malu ne’e manan saida, nia mak rezulta mate, ba hospital, ba prizaun, buat sira ne’e hotu, tanba ne’e, komportamentu ne’e importante, nune’e mak maun Xanana alerta ba joven no sosiedade hotu atu bele kontribui ba estabilidade, nune’e dezenvolvimentu bele la’o”, relata Vasconcelos.

Iha sorin seluk, Vise Xefi bankada CNRT, Patrocínio Fernandes fó konfiansa tomak ba servisu defeza no seguransa atu hola medida no servisu maka’as, atu kontinua garante paz ba nasaun no povu TL, tanba instituisaun defeza no seguransa mak nu’udar xave ba nasaun no Estadu ida ne’e.

“Ministériu Defeza Seguransa iha ho ninia rede servisu intelijensias nian, sei detekta ona sasán sira ne’e, hanoin Estadu tenki halo atuasaun”,relata Patroçino.

Deputadu CNRT ne’e konsidera, konfrontu entre grupu arte marsiál ne’e, menus konsiensia husi sidadaun, liu-liu juventude sira atu garante paz iha nia rain rasik.

Alende ne’e, Xefi bankada Partidu Demokrátiku, António da Conçeição, hateten, joven presiza kria paz no estabilidade hodi tane nia nasaun rasik.say


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker