GMN TV Sosiedade Desizaun MEJD hapara funsionáriu kontratadu 273 viola regra

Desizaun MEJD hapara funsionáriu kontratadu 273 viola regra

0 views

Konfederasaun Sindikatu Timor-Leste (KSTL) konsidera desizaun Ministra Edukasaun Joventude no Desportu, Dulce de Jesus Soares hasa’i desizaun hapara funsionáriu kontrata 273 ne’ebé rekruta husi Ministériu Edukasaun (ME) ne’e viola regras.

“Ohin (13/02) ami mai atu fó informAsaun ba buat ne’ebé  realidade no ohin deputada sira simu hotu ona bazeia ba realidade, sira preokupa teb-tebes ho situasaun ida ne’e, presiza atu bolu fila-fali MEJD atu halo esplikasaun”, Sekretáriu KSTL, José da Conceição da Costa ba jornalista sira iha Parlamentu Nasionál (PN), Kuarta (13-02-2019).

Nia haktuir, informsaun ne’ebé maka sira hato’o ba komisaun G ne’ebé trata asuntu edukasaun, joventude, kultura no sidadania iha PN, lakoi fó sala ba MEJD katak la kumpri lei, maibé hakarak hateten de’it katak, MEJD hapara funsionáriu kontrata 273, ne’e la tuir regras no lei.

“Tanba ne’e KSTL ohin (13/02) halo audénsia ho komisaun G, oinsa maka bele rezolve problema hirak ne’e”, haktuir Sekretáriu KSTL ne’e.

Husi sorin seluk, membru komisaun G PN, Sabino Soares ‘Guntur’ hateten,  iha loron 24, fulan Janeiru, komisaun G bolu MEJD aprezenta kona-bá kazu refere, maibé sei hein rezultadu diagnóstika no to’o oras ne’e laiha solusaun.

“Ami halo audénsia ho KSTL sira aprezenta sira nia razaun kona-bá MEJD hapara funsionáriu kontrata 273, tanba sira servisu durante tinan naruk, balun kontratu, maibé tu’ur iha kargu xefia departamentu tékniku sira, ida ne’e sai problema tebes”, haktuir Guntur.

Relasiona ho kestaun ne’e, tuir planu komisaun G iha PN, semana oin sei bolu MEDJ, Dulce de Jesus Soares hodi halo klarifikasaun liu tan sira nia razaun.

Antes ne’e, MEJD, Dulce de Jesus Soares, esplika ba komisaun G iha PN, tuir lei Komisaun Funsaun Públiku (KFP), funsionáriu kontratadu  hirak ne’e servisu másimu fulan nén (6), maibé realidade funsionáriu hirak ne’e servisu liu tiha fulan nén (6). Ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker