GMN TV Sosiedade Governu Japaun sei fó servisu ba Timor-Oan

Governu Japaun sei fó servisu ba Timor-Oan

0 views

Iha Kinta Feira (horiseik-red) ne’e Sekretáriudu Estadu Formasaun Profisional no Empregu (SEFOPE) ho embaixadór Japaun iha Timor-Leste halo enkontru ko’alia kona-bá komitmentu Governu Japaun atu fó servisu ba Timor-Oan sira iha sira nia rai.

Hafoin enkontru Sekretáriu Estadu Formasaun Profisional no Empregu (SEFOPE), Julião da Silva hateten, objetivu prinsipal husi enkontru ne’e atu husu esplikasaun husi embaixadór, Hiroshi Minami kona-bá merkadu servisu no kualifikasaun saida maka Governu Japaun hakarak, molok haruka Timor-Oan sira ba servisu iha Japaun.

“Objetivu husi enkontru ne’e ko’alia kona-bá komitmentu sériu Governu Japaun, ne’ebé  hakarak servisu hamutuk ho Timor-Leste hodi haruka Timor-Oan ba servisu iha Japaun no ohin (14/02) ha’u rasik husu kona-bá merkadu servisu ema ho kualifikasaun saida maka Governu Japaun presiza, atu nune’e iha tempu badak tékniku husi SEFOPE, inklui Governu Japaun sei tu’ur hamutuk hodi deskuti, para bele identifika nesesidade merkadu servisu iha nasaun Japaun”, SEFOPE ba GMN, hafoin enkontru iha ninia kna’ar fatin, Caicoli-Díli, Kinta (14-02-2019).

Nia esplika, husi enkontru ne’e rasik sei kesi ho Memorandum of Understanding (MoU) entre Ministériu Negósiu Estranjeiru no Kooperasaun (MNEK) ho Governu Japaun, tanba SEFOPE prepara de’it rekursu umanu, tékniku tuir kualifikasaun merkadu ne’ebé Japaun presiza.

“Tuir planu iha tinan ida ne’e, sei haruka traballador Timor-Oan liu husi projetu pilotu ho númeru eskalaun ki’ik, hodi ba halo experimentu servisu iha Japaun, hodi hatene loloos servisu no tuir duni nesesidade merkadu ka la’e, depois de ida ne’e hotu maka foin haree fali rekizasaun husi empregador nasaun Japaun mai Timor no kuandu sira husu ema barak, entaun bele prepara ita nia ema ne’ebé kualifikadu tuir nesesidade merkadu iha nasaun Japaun”, haktuir Julião da Silva.

Nia akresenta, atu ba servisu iha ema nia rai infelizmente tenki hatene ema nia lian no nasaun Japaun rasik iha lian tolu (3), maibé tenki hatene lian ida ne’ebé adopta husi provínsia ne’ebé atu servisu ba.

Iha fatin hanesan embaixadór Japaun iha Timor-Leste, Hiroshi Minami hateten, iha posibilidade ba Governu Japaun simu traballador Timor-Oan, tanba ne’e komitmentu Governu Japaun ni’an, maibé nia parte sei ko’alia ho Governu Japaun hodi hatene loloos area servisu saida de’it maka sei mamuk hodi haruka traballador Timor-Oan ba. ita


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker