GMN TV Sosiedade Japaun aprezenta planu konstrusaun aeroportu Comoro ba PN

Japaun aprezenta planu konstrusaun aeroportu Comoro ba PN

Embaixador Japaun iha Timor-Leste, Hiroshi Minami, ho nia tékiniku sira, iha Kinta (07/02/2019), aprezenta no esplika planu konstrusaun aeroportu internasional Nicolau Lobato Comoro Díli ba Komisaun E no D iha Parlamentu Nasionál (PN).

Tuir Planu, konstrusaun aeroportu internasional Nicolau Lobato ne’e, sei hahú iha Marsu tinan 2020.

Hafoin aprezentasaun planu konstrusaun aeroportu internasional Nicolau Lobato iha PN, Embaixador Japaun iha Timor-Leste, Hiroshi Minami hateten, prosesu dezeñu aeroportu nian remata ona, maibé  sei hein konkordansia formal entre Governu Timor-Leste ho Governu Japaun, hafoin prosesa ekipamentu atu bele hahú ona konstrusaun ne’e iha tinan 2020.

Maibé Hiroshi garante katak, Governu rua sei bele aselera konkordansia formal, hodi bele hahú dadauk prosesu konstrusaun iha inísiu tinan 2020.

“Ha’u nia espesialista halo esplikasaun kona ba projetu ida ne’e ba membru Parlamentu sira, ha’u espera katak, membru Parlamentu sira bele kompriende, no ha’u espera katak, ha’u nia Governu halo konkordansia ho Governu Timor-Leste iha Maiu tinan ne’e, no ha’u mós esperea katak, tender sai bele haruka ekipamentus iha tinan ne’e”, relata Hiroshi Minami.

Iha fatin hanesan, Prezidente Komisaun E, ne’ebé trata asuntu infra-estrutura, Abel Pires hateten, prosesu konstrusaun aeroportu internasional ne’e, seila afeita ba operasaun viajen internasional nian, tanba Aeroportu atúal sei la taka, bainhira prosesu hahú.

“Esplika em jerál kona ba suporta ne’ebé mak povu no Governu Japaun fornese tiha ona mai Timor-Leste, ba aeroportu internasional Nicolau Lobato, ida ne’e di’ak tebes mai ita-nia dezenvolvimentu ekonómia, espesialmente ba ita-nia turismu”,haktuir Prezidente komisaun E ne’e.

Abel Pires esklarese, prosesu konstrusaun aeroportu internasional ne’e, iha faze rua, faze  dahuluk sei muda aeroportu atúal ba parte oeste, hafoin hein faze tuir bainhira volume aumenta.

“Ami kontenti ho ida ne’e, deputadu sira-nia komentáriu barak, liu-liu haree ba parte manutensaun sira ne’e, tanba iha projeitu barak tebes mak implementa, la’os de’it suporta husi  Governu Japaun, maibé projetu lubuk ne’ebé presiza haree nia parte manutensaun nian, husu para atu hasa’e kapasidade no planeamentu espesifikamente manutensaun nian”,katak Pires.

Tuir planu, Governu Timor-Leste ho Governu Japaun  sei asina akordu formal iha fulan Maiu, hafoin bele prosesa ekipamentus husi Japaun mai Timor-Leste iha fulan Dezembru tinan 2019, no sei hahú konstrusaun iha tinan 2020, ho estimasaun orsamentu husi Governu Japaun dollar Amerikanu millaun USD45. Konstrusaun ne’e rasik sei hala’o durante fulan 22 nia laran.say

 


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker