GMN TV Sosiedade Mate-isin Administradór Zumalai entraga ona ba família  Husu PNTL buka tuir autór

Mate-isin Administradór Zumalai entraga ona ba família  Husu PNTL buka tuir autór

0 views

Mate isin Administradór Postu Adminstrativu Zumalai, Munisípiu Covalima, Santiago Bareto, entrega ona ba família hafoin halo autopsia iha Hospital Nasionál Guido Valadares, Díli.

Hafoin simu mate isin Santiago Bareto, família husu ba Polisia Nasional Timor-Leste atu buka tuir no kaptura autor sira hodi prosesa tuir lei ne’ebé vigora iha TL.

“Ami husu ba PNTL, liu-liu Polisia Covalima atu buka tuir autór ne’ebé mak oho Administrador Zumalai, hodi prosesa tuir lei, no ami parte famili mós husu ba veteranu no juventude atu tu’ur hakmatek hodi fó tempu ba polisia buka tuir autór ne’ebé halo krimi, tanba ami família matebian deskonfia grupo balun mak oho”, hateten Oan feto bo’ot matebian Santiago Bareto, Felisiana Barreto ba GMN iha Hospital Guido Valadares Díli, Kinta (14/02).

Felisiana haktuir, matebian mate tanba hetan telephone husi ema balun, hodi haruka matebian Santiago Bareto atu hasoru nia, maibé to’o ikus ema hetan mate isin Santiago iha ponte okos.

“Ema balun mak telefone nia hodi oho iha ponte leten, ne’eduni nu’udar oan feto bo’ot, senti triste tebes, tanba lakon aman ida iha nia sorin”, hateten Felisiana.

Nune’e mós Veteranu Tomas Barros, alias ‘Lases’ hateten, matebian involve iha klandestina iha tinan barak nia laran.

“Nia nu’udar kolaborador iha postu Zumalai, organiza veteranu sira seluk hodi luta ba libertasaun nasionál”, katak Tomas.

Entretantu, hafoin simu mate isin husi Hospital Nasional Guido Valadares,  Família lori kedan mate isin Santiago Bareto ba Sede Partidu CNRT, Ministériu Estatal, no kontinua transporta hikas ba nia moris fatin iha Zumalai Munisípiu Covalima hodi hala’o prosesu funeral.aba

 


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker