GMN TV Sosiedade Salva pasajeiru ho eskavadór, ADN agradese José Tilman

Salva pasajeiru ho eskavadór, ADN agradese José Tilman

0 views

Diretor Jeral Ajensia Dezenvolvimentu Nasional (ADN), Samuel Marçal, lori família vitíma insidente mota Kasnafar Manleuana, hato’o agradesimentu ba operador ba eskavadór, José Agusto Tilman, ne’ebé salva (pasajeiru) vitíma insidente hamutuk 13 ne’ebé mout ho kareta bis iha loron 19, fulan Fevereiru, tinan 2019 ne’e.
“ Hanesan Timor-oan ita mak iha bus laran saída mak sente, maibe operador eskavadór bele halo buat ne’ebé ema hotu labele halo. Ami lori família vitíma insidente mota kasnafar iha Manleu hakarak agradese ba tulun ne’ebé operador eskavadór, José Agusto Tilman halo ona hodi oferese nia an hodi salva ema lubuk ida husi bus laran, no ida ne’e hanesan honra bo’ot ida ADN hakarak halo hodi agradese ba servisu ne’ebé operador eskavadór”, afirma diretor jeral ADN, Samuel Marçal, ba Jornalista sira Kinta (21/02/2019) iha edifisiu ADN Fatuhada-Díli.
Diretor ADN haktuir, iha momentu bus mout ne’e labele halo buat ida tamba difisil atu bele ajuda no ida ne’e ema hotu labele halo, maibe ho fuan no aten brani operador eskavadór ne’e bele halo hodi salva ema lubuk nia vida.
Nune’e mos,operador eskavadór, José Agusto Tilman, agradese ho sentidu agradesementu ne’ebé ekipa ADN halo hodi reprezenta família vitíma, tamba hanesan honra bo’ot ida ne’ebé akontese iha vida moris.
“ Ha’u husu obrigado barak, tamba servisu ne’ebé ha’u halo hodi salva ita nia maluk sira nia vida no ikus bele halo ema hotu hatene no iha rekoñesimentu no sentidu agradesimentu, maibé la signifika servisu ne’ebé ha’u halo diak liu ema hotu”, afirma José Agusto Tilman.
Operador eskavadór hateten, nia parte sente kontente tamba vitíma hirak ne’ebé nia salva bele iha kondisaun diak no bele fila hamutuk ho família.
Kompañia NTN la hasai nia traballador
Iha fatin hanesan, Diretor Kompañia Natureza Timor Naroman (NTN), Lay Siu Peng, klarifíka ba públiku katak, Kompañia la hapara operador eskavadór, José Agusto Tilman, husi nia servisu relasiona ho insidente ne’ebé akontese, maibé traballador operador eskavadór refere Kompañia hapara ona iha tinan kotuk tamba projetu remata no seidauk iha kontratu foun.
“Ami laos hapara operador eskavadór José Agusto Tilman inklui nia maluk traballador sira, maibé ami fo sira nia direitu hodi haruka sira deskansa iha uma proviszoriu, maibé tamba ami sei projeitu rentese nia laran entaun ami bolu sira mai halo servisu lor-loron”, afirma Diretor Kompañia NTN.
Lay Siu Peng, subliña momentu ne’ebé ninia traballador operador eskavadór salva bus ne’ebé mout nia parte la hatene maibé depois haree informasaun iha mídia katak operador eskavadór José Agusto Tilman salva ema lubuk ida nia vida, ida ne’e hanesan orgulhu bo’ot ida, tamba nia laos operador ba eskavadór maibé operador ba loder.
“Ha’u fo instrusaun ba fúnsionariu sira oinsa bele haree kondisaun José Agusto nian, no eskavadór ne’ebé a’at ami la preokupa maibé importante bele salva ema husi insidente, no ami agradese no apresia ho tulun ne’ebé operador eskavadór José Agusto Tilman halo, tamba tuir ita nia haree momentu ne’ebe nia salva ema nia vida ida ne’e laos fasil tamba ita hotu nia haree mota ne’e laos kiik no José Agusto mos bele mout, maibé tamba ho grasa maromak nian tamba sira hotu bele iha kondisaun diak,” hateten direktur Kompañia Natureza Timor Naroman.Fel


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker