GMN TV Sosiedade SEFOPE-Korea asina akordu reativa kursu lian Korea

SEFOPE-Korea asina akordu reativa kursu lian Korea

0 views

Sekretáriu Estadu Formasaun Profesional no Empregu (SEFOPE) Julião da Silva hatete, Governu Timor-Leste, liu husi SEFOPE asina akordu ka nota intendimentu ho Governu Korea, hodi reativa fali kursu lian Korea ba Timor-oan sira, ne’ebé durante tinan rua paradu tanba impase polítiku.

“Depois impase polítika ne’ebe ita-nia nasaun ne’e enfrenta kuaze tinan rua, kursu lian Korea, akordu ne’e ita hahú iha tinan 2012, ita foin hahú tan fali atu bele fó kursu fila fali ba ita-nia maluk no kandidatu sira ne’ebé mak durante ne’e hatama ona aplikasoens lubuk ida, atu bele ba servisu iha rai liur”, relata Julião ba Jornalista sira iha Caicoli Díli, Tersa (19/02/2019).

Julião haktuir, kursu ne’e hahú loke ona hodi Timor-oan sira bele partisipa atu aprende lian Korea hodi bele ba servisu iha rai refere. Ho akordu ne’e, Julião epsera katak, iha fulan Marsu ne’e, Timor-oan sira balun bele desloka ona ba Korea.

“Tuir planu ne’ebé mak ita iha, inísiu fulan Marsu ne’e ita hahú ona, tanba ami sei haree fali fatin, ita halo mudansa oituan, atu nune’e formasaun ne’e nia númeru aumenta barak liu tan, no aumenta mós tempu kursu nian. Tuir planu ita hakarak oras rua, depois buka fatin ba fulan ida ne’e nia laran”, katak Julião.

Nia haktuir, Timor-oan ne’ebé atu tuir kursu lian Korea ne’e, besik rihun sanulu. tanba ne’e espera katak, bele halo atendimentu ne’ebé di’ak, atu nune’e kandidatu sira ne’e bele tuir ona kursu iha tempu badak.

“Ita tenki halo tuir etapa, depende ba númeru rekursu ne’ebé mak iha, sei ita-nia professor lian Koreanu sira iha, SEFOPE hanoin servisu hamutuk ho parseiru sira, atu nune’e iha tempu badak avizu sai iha fatin ne’ebé mak bele tan loke kursu lian korea ne’e. Tanba ne’e Timor-oan sira tenki hatene lian Korea, nune’e ami sei estabele ekipa tékniku hodi bele haree prosedur ka regras ne’ebé mak iha”, katak Julião.

Nune’e mós Sekretáriu Ezekutivu Fundu Dezenvolvimentu Kapital Humanu (FDCH), Ismenio Martins da Silva hateten, ho MoU ne’ebé Governu rua asina ne’e, atu bele apoiu polítiku Estadu, atu bele hasa’e númeru empregu iha Timor- Leste.

“Tanba polítiku VIII Governu konstitusional nian, iha ita-nia programa katak, tenki promove sosiu ekonómiku, liu husi hasa’e númeru empregu, tanba ne’e FDCH nia papel ba tinan ida ne’e, mai iha SEFOPE primeiru, ita tenki hala’o uluk programa formasaun ba lian Korea ne’ebé orsamentu ita atribui ba porvolta rihun USD 875, atu atribui ba preparasaun ita-nia kandidatu traballador, porvolta rihun USD 250”, relata Ismenio.oly


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker