GMN TV Sosiedade Diskute dezenvolvimentu nasionál, Xanana: Joven sira labele lori partidu nia naran

Diskute dezenvolvimentu nasionál, Xanana: Joven sira labele lori partidu nia naran

0 views

Eis Prezidente Repúblika, Kay Rala  Xanana Gusmão, husu ba joven sira atu labele lori partidu nia naran, bainhira halo diskusaun sira kona-ba dezenvolvimentu rai-laran ninian.

“Ha’u husu atu imi favor ida, ha’u husu ne’e la’os tanba deit ita koeñese malu, dehan kuandu imi mai labele problema, favor ida labele lori partidu, ida ne’e maka dehan hanoin luan, mai dehan ita Lautem hakarak diskuti problema Lautem kona-ba Agrikultura, kona-ba Peska kona-ba Turismu, kona-ba buat oi-oin deit, kona-ba saida maka ita atu halo tan karik....? ne’e so imi mak tenki hatene atu dezenvolve iha ne’eba”, Xanana Gusmão, hato’o asuntu ne’e iha nia diskursu, bainhira partisipa iha seremonia Primeiru Asembleia Jerál Forum Komunikasaun Ponta Leste, ne’ebé realiza iha Salaun Auditoria UNITAL- Díli, Sábadu (22/02/2020).

Lider Karismátiku ne’e, kontinua husu ba joven sira ne’ebé realiza primeiru asembleia jeral forum komunikasaun ponta Leste ne’e, atu iha seriadade hodi rezolve problema hotu, liu husi diskusaun no halo plano ho diak, maibé labele lori ka tau partidu iha oin.

Xanana aprofunda tan katak, joven sira tenke loke duni kakutak, hodi tau hamutuk hanoin atu bele dezenvolve potensia hirak  ne’ebé iha munisípiu, liu-liu Lautem.

“Imi joven sira,imi maka sei kaer rai ida ne’e,imi mak sei kaer Lautem, imi maka sei dudu Lautem,Lautem ne’e potensia bo’ot teb-tebes,atu dehan deit ba imi katak,halo planu didiak,ajuda estabelisimentu munisipiu ne’eba ho diak ita lao,ita bele lao,ita bele lao,tanba ne’e ha’u kontente tebes ho exemplu ida ne’e ha’u sei so’e nafatin ba sira seluk hodi dehan imi bainhira,imi bainhira Lautem hader tiha ona, imi seidauk hader”, hafanun, Xanana.

Xanana Gusmão akresenta katak, joven sira atu labele lakon tempu demais ba média sosial hanesan facebook, tanba bele estraga futuru.

“Ha’u kontente tanba Lautem oan sira, bele halibur hamutuk bele haree ba oin, importante teb-tebes, importante teb-tebes ha’u kontente tebes, lalika lakon tempu atu deskuti ba problema saida deit, maibe tenki lakon tempu atu defini Lautem ninia potensia atu rezolve ne’e saida..? ida ne’e maka sei fó valor ba forum ida ne’e tanba imi matenek barak, dala ruma ha’u haree iha ne’e joven, ha’u kontente, joven ne’ebé buka atu hetan servisu mas joven buka hodi dehan mai hotu iha ne’e, mai hotu iha ne’e, Dilí agora nakonu, mai hotu iha ne’e para atu halo dezenvolvimentu iha ita rai ne’eba, para hela iha ne’eba”, dehan, Lider karismatika Xanana Gusmão.

Iha fatin hanesan mos, Prezidente komisaun organizadóra Florindo Perreira, hateten, obejetivu husi seremonia ne’e maka atu halibur Lautem oan sira hodi diskute kona ba problema saida maka presiza rezolve hodi halo dezenvolvimentu iha fatin refere.

 “Atividade ida ne’e,atividade ida ne’ebé Lautem oan sira maka organiza,oinsa maka Lautem oan sira iha Dili,iha fatin hot-hotu ne’ebé ke se’es husi Lautem rasik, iha liur hamutuk organiza an hodi hari’i forum ida ne’ebé ke fatin ida tau Lautem oan sira bele hamutuk,hanoin hamutuk,ko’alia hamutuk kona ba Lautem nia dezenvolvimentu no mós nasaun nia dezenvolvimentu no mós Lautem oan sira iha Dili tu’ur hamutuk hodi ko’alia oinsa dezenvolve ninia rai rasik”, dehan, Florindo.

Seremonia Komunikasaun Forum ne’e, hetan partisipasaun husi Prezidente Partidu Demokrátiku, Mariano Asanami Sabino, José A.siquera Somotco, Administradór Munisípiu Lautem, inklui konvidadus hamutuk atus rua resin.Jen


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker