GMN TV Sosiedade Embaixadór Xina ba TL: Hahán husi Xina iha TL la transmite COVID-19

Embaixadór Xina ba TL: Hahán husi Xina iha TL la transmite COVID-19

0 views

Embaixadór Xina ba Timor-Leste (TL), Xiao Jianguo, hatete, seidauk iha teste médiku ne’ebé hatudu katak, hahán husi Xina bele tranzmite COVID-19.

Hafoin surto Koronavírus ka COVID 19 foun mosu iha sidade Wuhan, provínsia Hubei iha fulan Dezembru, tinan kotuk no to’o oras ne’e hamate ona ema hamutuk rihun rua resin no ema husi nasaun 25 konfirmadu infetadu ho vírus ne’e.

Tanba ne’e halo públiku pániku ho produtu sira ne’ebé mak mai husi Xina, liu-liu hahán sira katak iha posibilidade bele kontamindu ho COVID-19.

Hatán ba kestaun ne’e embaixadór Xina iha Timor-Leste, Xiao Jianguo, hateten, seidauk iha teste médiku ne’ebé hatudu katak, hahán husi Xina bele tranzmite COVID-19.

“Ha’u hanoin ida ne’e difisil tamba laiha suporta husi sientista, tamba coronavirus transmiti husi ema iha tinan ida ne’e, ida ne’e mak virus, virus ne’ebé seidauk halo observasaun, maske akontese ona ho tempu naruk. Ema balun hatete, ne’e halo peskiza iha deit oras balun nia laran, bele iha deit loron ida ou rua nia laran. Ida ne’e faktu. No faktu seluk mak hahán hotu ne’ebé fa’an husi xina. Hahán ne’e proteje husi temperatura ne’ebé aas, no temperature aas ne’e sei la bele kria virus. Ha’u hanoin coronavirus, hanesan virus ne’ebé la espalla ba servisu hahán oi-oin ne’ebé tau ho tempu naruk no iha oras barak nia laran. Ha’u haoin ita tenke iha kompetensia kona ba kualidade hahán xinesa no seguransa”,fundamenta Xiao Jianguo, Embaixadór Xina hato’o lia hirak ne’e iha nia knaar fatin Praia dos Coqueiros Díli, Kuarta (19/2/2020).

Tuir embaixadór ne’e negosiante no Governu xinés bainhira produz produtu ruma haree liu ba kualidade no sei la husik hahán aat ka kontaminadu tama iha merkadu.

Xiao Jianguo apresia ba medida ne’ebé Governu Timor Leste foti hodi prevene no kontrola epidemia ne’e. No to’o ohin loron Timor-Leste seidauk konfirmadu kazu COVID-19 foun ne’e.

Embaixada Xina sei kontinua haforsa kooperasaun tripartida entre governu Timor no

reprezentativa organizasaun saúde mundial iha Timor-Leste hodi prevene no kontrola COVID-19.GMN


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker