GMN TV Sosiedade Espesialista Obstetrísia no Jinekolojia Amita Pradhan hakotu iss tanba sofre moras pulmaun

Espesialista Obstetrísia no Jinekolojia Amita Pradhan hakotu iss tanba sofre moras pulmaun

0 views

Espesialista Obstetrísia no Jinekolojia, Amita Thapa nudar sidadaun Nepal ne’ebé hala’o nia knar iha Hospital Nasional Guido Valadares (HNGV), hahu husi 2004 ate 2017 fo nia aan servisu iha HNGV.

Maibé, planu maromak nia oin seluk nune’e iha loron Domingu (16/02/2020) iha tuku 2 lorokraik, Doutor Amita Thapa hakotu iis iha nia uma Praia dos ququeros-Díli, tanbá sofre moras pulmaun ne’ebé durante ne’e depende deit ba Oxijéniu.

Diretor Klinika HNGV, Flavio Brandão dehan, Doutor ho integridade aas nia husik ona ita, maibé servisu tomak ne’ebé nia presta fiar katak inan no oan barak mak hetan asistensia husi nia, nia ema ida ne’ebé dedika nia aan tomak iha saúde Timor-Leste.

Ema barak koñese nia, ba hotu ne’ebé sei moris liu-liu ba pessoal saúde sira bele estuda buat balun husik Doutor Amitha Tapa nia perfil, mediku lolos mak mediku ne’ebé haluhan nia fatin, ba iha fatin seluk servi ho laran no dedikasaun tomak.

Normalmente nia iha moras ida ne’ebé mak nia mos hatene moras kroniku ne’ebé iha, maibé ne’e la sai bareira atu servi inan ho oan sira.

“Entaun durante ne’e nia moris ho Oxigenio deit ne’eb’e mak nia tenke uza tanba nia problema iha Pulmaun no adves to’o ona vaze ida ne’ebé klimaks, durante ne’e nia iha uma deit no kontinua halo servisu ho limitasaun moras ne’ebé mak iha to’o husik iis iha uma, iha duni planu atu lori mai HNGV maibé, tanbá mai HNGV mos sei la halo diferensia bo’ot”, dehan, Diretor Klinika HNGV, Flavio Brandão iha HNGV, Segunda (17/02/2020).

Diretúr Klínika Hospitál Nasionál, Flávio Brandão, haktuir liutan doutora Amita nia kontribuisaun durante ne’e bo’ot tebes ba Hospital Nasionál tanbá, konsege asume pasta Xefe Departementu Obstetrísia no Jinekolojia hafoin ikus mai hetan mudansa ba fatin seluk.

Doutora Amita Pradhan Thapa moris iha loron 23 fulan Agusto tinan 1956, nu’udar sidadaun Nepál ne’ebé durante ne’e hala’o knaar iha HNGV, husi tinan 2004 to’o tinan 2017 nu’udar Doutora espesialista Obstetrísia no Ginekolojia.

Iha tinan  2017 Doutora Amita servisu fali iha Organizasaun Saúde Mundial iha tinan 2018 muda fali ba Díli Medical Center to’o matebian hakotu iis.

Maske, matebian Amita hala’o nia servisu iha Dili Medical Center maibé, nia mós sempre fó apoiu ba Hóspitál Nasionál Guido Valadares iha departamentu Obstetrísia no Jinekolojia.Ida


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker