GMN TV Sosiedade Estudante Timor-oan iha Wuhan evakua ona ba Nova Zelândia

Estudante Timor-oan iha Wuhan evakua ona ba Nova Zelândia

Estudante Timor-oan hamutuk 17 ne’ebé durante ne’e izola durante fulan rua iha sidade Wuhan-Xina, tanba kauza husi vírus Corona, iha Kuarta (05/02/2020),  hetan ona tulun husi Governu Nova Zelândia, hodi evakua kedas sira na’in 17 husi Wuhan ba Auckland-Nova Zelândia.   

Ho  nune’e, Governu Timor-Leste, hato’o agradese ba Governu Nova Zelândia, tamba evakua ona, Estudante Timor-oan na’in 17, husi Wuhan ba Nova Zelândia no Estudante hirak ne’e sei, kumpri periodu inkubasaun durante loron 14.

“Ohin madrugada tuku rua liu aviaun Nova Zelândia nian tula pasajeirus husi nova Zelândia rasik no ema husi ilhas pasifikus balun, hamutuk ho Timor-oan na’in 17 sai husi Wuhan-Xina, no sira iha hela dalan orsida tuku rua loraik mak sira foin to’o iha Uklan-Nova Zelândia, no sira sei iha ne’eba durante semana rua hodi halo observasaun hamutuk ho sidadaun sira seluk depois liu tia loron 14 hafoin lori sira mai Timor-Leste,” hateten, Ministru Negosio Esntranjeiru no Kooperasaun (MNEK), Dionísio Babo, iha Palaçio Governu, Kuarta (05/02/2020).

Dionísio hatutan, iha Konsellu Ministru governu hakarak hato’o agradesimentu bo’ot ba Governu Nova Zelândia, Primeira Ministra no Ministru Negosiu Estranjeiru Nova Zelândia, ho povu Nova Zelândia tomak, tamba iha tempo defisil ajuda ona Timor-Leste hodi lori sai Timor-oan na’in 17.

Nune’e mos, Konsellu Ministru mós hato’o solidariedade simpatia ba Governu Xines ba situasaun ne’ebé sira hasoru hela konta nafatin ho Timor-Leste hanesan país amigo ida iha sira nia sorin hodi ajuda malu, liu-liu iha situasaun defisil nune’e agradese mos, tamba bele fasilita Timor-oan sira sai husi Wuhan ba Nova Zelândia.

“Husu ba Inan-Aman sira ba povu Timor-oan hotu atu akompaña deit sira iha fatin diak ona, Tamba ne’e ita presiza akompaña de’it depois buat hotu diak, Maromak tulun sira fila mai Timor, Timor-oan ne’ebé iha Nova Zelândia, ema nia mediku diak tebes tamba ne’e, ita tuir deit bainhira sira dehan aprovado ona ita agradese bo’ot, tamba ita laiha sistema, maibé ema ajuda ita no ita presija kontrola iha ita nia rai laran, no ba maluk sira ne’ebé mai husi rai Xina inklui Timor-oan hotu tenki apresenta aan iha Ministériu Saúde hodi halo kontrolu ba sira nia saúde,” hateten, Dionísio.

Dionísio akresenta, ema balun interpreta fila fali bainhira, haruka Timor-oan mai husi nasaun Xines, ba aprezenta aan iha Ministeriu Saude, ne’e hateten hanoin at, maibé Timor-oan ladun komprende didiak kona-ba Korona Vírus, tamba Vírus ne’e iha deit anin leten, deit mos bele kona ita tamba ne’e ita tenki kuidadu aan.

Entretantu estudante Timor-oan ne’ebé estadia ona iha Nova Zelândia, liu husi WhatsApp espresa sira-nia sentimentu kontente no fó agradesimentu ba Governu Nova Zelândia ne’ebé prontu simu sira. Estudante Timor-oan ne’ebé eskola iha sidade Wuhan-Xina hamutuk 17 ne’e mos fó agradesimentu ba Governu Timor-Leste no mos Governu Xina ne’ebé koopera malu diak teb-tebes atu lori sira sai husi fatin ne’eba hodi ba tau sira iha Nova Zelândia. Tanba sidade Wuhan-Xina vírus Corona, maka’as teb-tebes.Cin


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker